يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين. إن كنت تمتلك موهبة الكتابة والإبداع.. شارك مع فريق «روزاليوسف» فى تحرير هذه الصفحة بإرسال مشاركتك من قصائد أو قصص قصيرة «على ألا تتعدى 055 كلمة» على الإيميل التالى: [email protected] اللوحات بريشة الفنان سيد سعد الدين اتعلمت ايه كتبت: أمانى العطار ايه اللى اتعلمته من الدنيا ومن الأيام انى أسكت واخبى وأعيش فى آلام ولا أتكوى بنار قلبى وأموت قدام ايه اللى اتعلمته من الدنيا ومن الأيام انى أعفوا واسامح ويتقال دا ضعيف ولا أشاكل وأشاكس ويتقال دا سفيه ولا بدراعى أخد حقى دا شمال ودا يمين والكل يخاف ويستحمل ويعملى حساب ايه اللى اتعلمته منكم يا ناس انى أعيش من غير إحساس ولا أدوس برجلى على اللى يقابلنى بأقدم مداس ولا أعيش إنسان كلى زوق وإحسان وقلبى كله أحزان أدافع عن المساكين وأتقطع بالسكاكين ايه اللى اتعلمته منكم يا ناس انى مهما أعمل مش عاجب والدنيا كلها عجايب والناس أشكال وألوان سوا كنت عايش فيها بشكل شيطان أو كنت معديها وانت إنسان حتلاقى الدنيا بتتغير أشكال وألوان بس فى النهاية اللى أتعلمته وفضلته وبينتصر الاحترام