واحة الإبداع.. غريب حبك

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين. إن كنت تمتلك موهبة الكتابة والإبداع.. شارك مع فريق «روزاليوسف» فى تحرير هذه الصفحة بإرسال مشاركتك من قصائد أو قصص قصيرة «على ألا تتعدى 055 كلمة» على الإيميل التالى:
[email protected]
اللوحات بريشة الفنان عماد إبراهيم
غريب حبك
كتب: أحمد أمين
هنفترض إننا نسينا
وقلنا فراق مهيش فارقة
طب إزاى والحنين فينا
مدوب روحنا م الفرقة
وسيبنا الذكريات تحكي
حكاوينا اللى عشناها
وفاكر دمعى مع ضحكي
وكل دقيقة دبناها
وفاكر لما كنتيلي
حبيبة وحضن ام واخت
ومنساش لما قلتيلي
بإن انا ليكى اجمل بخت
بحبك حتى لو توهنا
ومكنا الفراق منا
وبقى واقع نعيش النار
اكيد هلاقى ف الجنة
ساعتها هنبقى نحضن بعض
وننسى ان احنا بينا فراق
وننسى ان احنا سيبنا البعد
يموتنا من الاشواق
ونتهنى ونتمني
ونبدأ حب م الاول
نعيش الحب بالتفصيل
بكل حلاوته ومراحله
ولو خبط علينا الليل
نقوم نجرى ونفتحله
ونسهر ويا نجماته
ونسكر لما ننسى الوعي
لدرجة حد لو شافنا
يقول سيبك دة ناس ماتوا
صحيح صدق اللى قال ماتوا
مانا ميت ف حبك موت
وهحتاج للحياة دى ف ايه
وليه احيا وانا ف حضنك
وهو ف حد ذاته حياة
بحبك حب عدى كتير
حدود العشق او هيبتا
غريب نوعه وملوش تفسير
وحتى ملوش حدود ثابتة