واحة الإبداع «الكبد»

يسيل بجوار النيل فى بر مصر نهر آخر من الإبداع.. يشق مجراه بالكلمات عبر السنين.. تنتقل فنونه عبر الأجيال والأنجال.. فى سلسلة لم تنقطع.. وكأن كل جيل يودع سره فى الآخر.. ناشرا السحر الحلال.. والحكمة فى أجمل أثوابها.. فى هذه الصفحة نجمع شذرات من هذا السحر.. من الشعر.. سيد فنون القول.. ومن القصص القصيرة.. بعوالمها وطلاسمها.. تجرى الكلمات على ألسنة شابة موهوبة.. تتلمس طريقها بين الحارات والأزقة.. تطرق أبواب العشاق والمريدين. إن كنت تمتلك موهبة الكتابة والإبداع.. شارك مع فريق «روزاليوسف» فى تحرير هذه الصفحة بإرسال مشاركتك من قصائد أو قصص قصيرة «على ألا تتعدى 055 كلمة» على الإيميل التالى:
[email protected]
الجنب ده
م الفرحة اتخلع
من حنية حبيبتى والدلع
وطبطبة أمى وأبويا
ورغم أنى وحيد
ليا صاحب هو أخويا
تملى جمبى وجدع
أما الجنب ده
م الكبد أتوجع
مكشر والفرح عنه اتمنع
يوجعنى والوجع شديد
وأقول فى أمل أكيد
واتئلم وأقول معلش
ويتنفخ الكبد ويفش
ايه يعنى ما يهمنيش
أنا لسه قادر أعيش
للفرح جنب وللحزن جنب
وسامع بودنى دقة قلب
خلاص عادى ما يهمنيش
أنا لسه عندى أمان
وعندى أمل أعيش عليه
قالولى ده.. سرطان
والأمل اللى أنت مستنيه
احتمال كبير ما يجيش
وقالو عملية كبيرة
واحتمال ضئيل تعيش
واحتمال كبير ورم
واحتمال كبير مفيش
أقولك حاجة
الدنيا أصلا ما تساويش
أنا هفضل خانقها وعايشها
أنا هفضل خانقها وعايشها
لحد ما يجى عليها يوم
وتقفل عن عيونى شيشها
وتيجى ملايكه وتأخذنى
وتفارق الروح بدنى
ولحد دا اليوم
أنا هافرح وهاعيش وهاغنى
وهبعد كل حزن عنى