شارع المعز لدين الله الفاطمى

فى بلدنا تاريخ كتير وكبير معظمنا مش عارفينه كتير مننا تايهين عنه كبيرنا قبل صغيرنا اماكن كتير أثرية وطبيعية مسمعناش عنها.. منعرفش هى إيه ولا هى فين ممكن نسمع اسمها من حد نقول إيه ده هو فى اماكن بمصر كده او ممكن نشوف صورة من خلال شبكة الإنترنت نقول المكان ده موجود فى مصر وأنا مارحتهوش وعايز أروح بره مصر عشان استمتع بجمال الطبيعة علشان كده عايزين نوصل لكل المصريين لازم كل مصرى يتولد يكون عارف تاريخه وحابب بلده، تاريخنا جميل وبلدنا اجمل بلاد الدنيا أهدافنا كتيرة وأحلامنا أكبر بلدنا مفيش بجمال طبيعتها .. عشان كده قررنا نطلق حملة للتعريف بحضارة وتاريخ بلدنا ولتنشيط السياحة وخصوصا السياحة الداخلية ومن أهداف حملة شباب المتحف المصرى لتنشيط السياحة أهداف كتيرة وجميلة منها لتنشيط السياحة الداخلية فى مصر، التعريف بالأماكن الأثرية وأهميتها فى مجال السياحة.
تعلن حملة شباب المتحف لتنشيط السياحة عن تنظيم رحلتها المجانية الثالثة لشارع المعز لدين الله الفاطمى وحضور حفلة من حفلات السمر ببيت السحيمى وذلك يوم الجمعة 31 اكتوبر 2014 الساعة 9 صباحا.
التجمع يوم الجمعة 31 اكتوبر 2014 الساعة 9 ص امام مجسد الحسين طريقة الوصول النزول بمحطة مترو العتبة وركوب سيارات الأجرة المتجهة للحسين او الركوب من رمسيس بجوار مسجد الفتح سيارات الاجرة المتجهة للحسين.
السير بشارع المعز 5 دقائق والوصول الى مجموعة السلطان قلاوون لقطع تكت دخول المجموعة (1 جنيه) للمصرى والعربى . و100 جنيه للاجنبى، زيارة مجموعة السلطان قلاوون، زيارة قبة وضريح نجم الدين، زيارة مجموعة محمد بن قلاوون، زيارة مسجد الظاهر برقوق، زيارة المدرسة الكاملية، زيارة حمام اينال.
صلاة الجمعة بجامع الاقمر وجامع اغا السلحدار، والتجمع بعد صلاة الجمعة مباشرة امام جامع الاقمر للتحرك الى قصر الامير بشتاك وزيارته، زيارة بيت السحيمى، زيارة مسجد وسبيل السلحدار، زيارة مسجد الحاكم بأمره والاستراحة بساحته الواسعة، واخيرا العودة لبيت السحيمى لحضور حفلة السمر.