النشطاء للحالمين بعودة المعزول: يا مستنى مرسى يرجع رئيس يا مستنى إبليس يصوم اتنين وخميس

فى الفترات القادمة سيتغلب الشعب على انتمائه الفكرى وسيصبح قطار منطلق بلا هوادة فلن يفرق بين ليبرالى واشتراكى وشيوعي.. وسيسلم المفتاح لمن يعمل لمصلحة الشعب ومن اجل الشعب فقط وسيترك أصحاب الخلافات والمصالح الشخصية خلفه دون عودة.. إنها بعضاً من أحلام النشطاء على مواقع التواصل الإجتماعى فيس بوك وتويتر.. تمنحهم الأمل فى مصر الغد.. بلا خلافات بلا حماقات وصراعات لانتماءات سياسية.. ورداً على ما تروج له اللجان الإلكترونية للإخوان فى عودة عقارب الساعة للخلف.. بعودة مرسى وشرعيته.. وكانت أبرز تعليقاتهم بهذا الشأن:
يامستنى مرسى يرجع رئيس يا مستنى إبليس يصوم أتنين وخميس
لا تعاشر الاخوانى ولا تستنى منه منفعه لو ربنا بيحبه مكنش خلى صوابعه أربعة
فاكر مرسى لما كتب كلمة لشهداء رفح على العلم وختمها مع تمنياتى بالتوفيق
فاكر مرسي لما قال "سيمون بوليبار".. و"سورار" و"بنزيم" و"سميره ميس".
طب حد فاكر الجملة اللى حيرت نص مخاليق الله.. المؤامرة تأتيك من حيث تترفع أنت أن تتداخل معها. ادفع اى حاجة وافهم هو كان عايز يقول إيه.
بالنسبة لترشيح سامى عنان لإنتخابات الرئاسة.. مشوار الترشح للرئاسة طويل هتسمع عن 100 واحد ترشحوا و هتسمع عن ناس ناوية تترشح وناس أترشحت وانسحبت... اتقل تاخد حاجة نضيفة..!
لو مرسى كان عرف اللى السيسى هيعمله فيه كان زمانه بيعمل عمرة دلوقتى فى قطر!!!
انجازات ابن العياط:
1- أول إخوانى مدنى منتخب
2-صاحب نظرية الدونت ميكس "اى حاجتين مش شبه بعض يبقوا دونت ميكس"
3-براءة اختراع منحدر الصعود الفيزيائية
5- أول من اكتشف العلاقة بين القرد و القرداتى
6- دكتوراة عن الجلد التخين باسم "الاستلواح سر النجاح"
7- ماجيستير عن علاقة الحارة المزنوقة بال56734
8-دراسات فوق كونية عن الحاوى وجرابه برعاية وكالة ناسا
9- ليسانس لغات وبحث مفصل عن أصل عبارة "فيرسيس نوت اجنست" وأصولها اللغوية