الإدارة الأمريكية تبحث حظر الفيس بوك عن مصر للتركيز فى حربها مع كوريا

حرب كلامية على تويتر أشعلها الإعلان الكورى بالتصديق على الحرب النووية وضرب الولايات المتحدة الأمريكية، وتنوعت تعليقات النشطاء ما بين مترقب للحرب الموعودة والقدرات الخفية لكوريا الشمالية ورئيسها الشاب «ثلاثين عاماً»، وبين الساخر من قدرة النمر الآسيوى على مواجهة «ملك الغابة الأمريكى». .ولم تنج كوريا من النكات المصرية والتعليقات الساخرة للشباب والتى أخترنا لكم بعضاً منها:
■ اللى هيقرب من بيت ماما فى امريكا.. هحاصر مدينة الانتاج الإعلامى من تانى.
أبوإسماعيل مهددا كوريا الشمالية.
■ العالم كله مرعوب من حرب عالمية تالتة وحرب نووية شاملة ماعدا الشعب المصرى نفسه الحرب تبدأ علشان يلحقها من أولها.
■ أنا اللى صعبان عليا الجنود الأمريكان كل مايقتلوا واحد كورى ويشوف واحد تانى يقولوا انا مش لسه قاتلك من شوية.
■ يا خوفى بقى ليكون كل اللى بيعمله الرئيس الكورى ده كله «كذبة إبريل».
■ عاجبنى أداء الرئيس الكورى قوى.. وعلى فكرة أنا مش كورى بس بحترمهم على فكرة انا مش اخوان
■ بيقولك الإدارة الأمريكية تبحث حظر الفيس بوك فى مصر للتركيز فى حربها مع كوريا .
• عاجل.. المحكمة الدستورية الكورية تلغى قرارات الرئيس بإعلان الحرب على أمريكا.
• قطر تطلب استضافة الحرب العالمية التالتة بين كوريا وأمريكا على أرضها
• شباب الثورة فى كوريا محضر جرافيتى واحد بس للشهيد وبيغيروا فى الاسم.
• كنا هناخد الدورى قامت ثورة فى معظم الوطن العربى قولنا صدفة عادى بتحصل انما حرب عالمية تالتة عشان كسبنالنا عشرة خمشتاشر ماتش حرام وربنا ، ربنا ميرضاش بالظلم.
• من كوريا شمال.. بنهز جبال.. وبأعلى صوت يونج قاهر الادغال.. يا كيم يا كبير.. يا كيم ياعظيم.. اديله نووى وبردو قليل.