شقيق عبدربه :" ميدو سب لي الدين"

أكد طارق عبد ربه شقيق القيصر حسنى عبد ربه قائد فريق الإسماعيلى، اليوم الاثنين، أنه تحدث مع رئيس النادى العميد محمد أبو السعود، وعاتبه على سياسة أحمد حسام ميدو، فى التعامل مع القيصر، واستبداله فى الوقت الذى ظهر فيه اللاعب بشكل مؤثر مع الفريق، ووصف تبديل حسنى ب"فرد عضلات".
وأوضح طارق عبد ربه خلال تصريحات تليفونية لبرنامج "كورة كل يوم" مع كريم شحاتة، عبر شاشة "النهار رياضة": "سيد متولى اتصل بيا، وبيقولى إيه الكلام اللى أنت عملته ده يا طارق فى المقصورة، وبتقول إننا ظالمين حسنى، قولت له: آه يا كابتن سيد أنا قولت كدة، فلقيت أحمد حسام ظهر فى المكالمة وقالى يا طارق أنا الكابتن ميدو، وأنت بتقول إن أنا بفرد عضلاتى، قولت له: آه يا كابتن علشان حسنى مقدم ماتش عالمى وأنت طلعته".
وقال شقيق القيصر: مش هقول كمية سب الدين اللى سبهالى، وشتمنى بأمى، وقالى لو شفتك فى النادى مش هسيبك، وقفلت فى وشه، راح متصل بحسنى وفضل يشتم فيا، وفى أمى".