حسني عبدربه ل«ميدو»: «لا أنت ولا الجن الأزرق يمشيني.. الإسماعيلية كلها ورايا»

رد حسني عبدربه، قائد النادي الإسماعيلي،على تصريحات أحمد حسام «ميدو» المدير الفني للفريق بأنه لن يبقى في الفريق طالما بقي "عبد ربه" قائلا: "غصب عنك هفضل بالإسماعيلي".
وأضاف «عبد ربه» خلال مداخلة هاتفية لبرنامج «ستوديو TEN» على فضائية «TEN»: «أقسم بالله العلي العظيم ثلاث مرات أحمد حسام أخويا.. وقلت هقف معاه.. ولا عمري تلفظت بلفظ مهين ليه، وأكن ليه كل الاحترام.. مفيش بيني وبينه أي مشاكل أنا مصدوم إن حسني عبدربه اللي عمله في تاريخه واختار بلده ضد الأهلي والزمالك النهاردة أنان ممكن يحصل ليا ده."
وتابع: «مش أنا اللي يحصل معايا الكلام ده ولما مشي من الداخلية.. أنا ضغطت علشان يرجع أنا ما أقدرشي ألوم أخويا.. وميدو اتصل بيا.. وشتم أبويا وأمي وأهلي.. ولو كان أخويا غلط أنا بعتذرلك نيابة عنه يا ميدو قفل.. واتفاجئت باللي بيحصل أنا حسني عبدربه.. بلدي دي كتافي من خيرها لو هشتغل بواب في الاسماعيلي دا بيتي ومحدش هيقدر يطلعني والله لو انت مولا غيرك هيطلعني من النادي ولا حسني اللي يعمل مؤامرة».
وأردف: «مش أنت يا حبيبي اللي هتمشيني من الإسماعيلي.. الناس كلها عارفة حسني عبد ربه عمل إيه لمصر وللإسماعيلي ..شوف نفسك أنت عملت إيه».