شلبى ورفاقه يفتحون النار على رئيس الزمالك : عباس عاوز ياخد فلوس البث يرميها تحت اقدام اللاعبين.. وبيع الدورى كله سمسرة !

اشتعل الصراع بين ممدوح عباس رئيس نادى الزمالك ورئيس لجنة البث الفضائى وعدد من مقدمى البرامج الرياضية وخاصة مدحت شلبى ورفاقه من الضيوف فى قناة مودرن.
ويبدو ان شلبى اتفق مع ضيفيه مصطفى يونس ومجدى عبد الغنى على مهاجمة عباس حتى يتوقف عن سعيه لبيع الدورى حصريا لقناة عربية وهو ما يؤثر على مستقبل عدد من القنوات والبرامج الرياضية.
وقال شلبى " عباس عاوز ياخد فلوس البث الفضائى قبل ما يمشى من الزمالك علشان يرميها تحت اقدام اللاعبين ويعمل بيها دعاية.. وعباس معندوش اى فكر خالص لدرجة انه عاوز يعمل قناة فضائية للزمالك ومش عارف".
واضاف شلبى " بيع الدورى كله سمسرة واللى بيحصل ده ما ينفعش".
اما مجدى عبد الغنى فقال " اى رجل اعمال فشل فى ادارة الاندية والدليل نجاح الاهلى .. ورجل الاعمال عاوز شهرة وبس".
واضاف مصطفى يونس " مشكلة الرياضة المصرية فى السمسرة والمنتفعين".