حوار ساخن.. في لقاء لم يتم!

لان الكابتن حسن شحاتة صديق قديم للرئيس السابق ونجليه فقد تخيلنا انه قام بزيارته ليطمأنعلي أحواله ويستمع لنصائحه وتوجيهاته في ظل المحنة والكبوة أو أزمة الراتب »المتواضع« للكابتن شحاتة.. »أخبار الرياضة« وعصفورتها بفضولها المعهود تخيلت شكل اللقاء ونص الحوار الذي لايخلو من الشفافية .. والعصفورة استرقت السمع
وفتنت وزادت واضافت ولتت وعجنت فكان الحوار التالي:
- شحاتة : سلامتك ياريس.. شدة وتزول!
- حسني : أزيك يا »شحتة«..
صحيح اتغلبت من النيجر والاولاد واتعادلت مع سيراليون.. امال بتقبض ده كله علي ايه .
- شحاتة : طول عمرك وشك كان حلو عليّ!. من يوم »....« والدنيا مهببة . عكوسات.. هزيمات.. وخروجات ومش عارف اللي جاي ايه.
- حسني : وايه حكاية الفلوس و»الأر« عليك.. فاكر ايامي.. الدنيا كانت سبهللة.
- شحاتة : الله يرحم كانت ايام »هبر«!
- حسني : همه ال 002 ألف دول فلوس ياراجل.. هبر ايه.. امال المليون يبقي ايه والمليار ايه؟.. عارفه ولا.. لأ؟.
شحاتة : ياريس.. زمان الألف كان استيك والمليون أرنب. لكن ماشاء الله سيادتك ضربت كله.. استيك ايه.. وأرنب ايه.. انت بدأت بالجمل.. وعقبال الديناصور.. هو الديناصور يبقي ايه ياريس؟.
حسني : الديناصور يامعلم هو ال»ترليون« والترليون .. لا أنت ولاغيرك عارفه انا بس.. والواد »جيمي«.. ولا الواد »لولو« .. عيال لهليب.
شحاتة : ياريس .. ياسابق.. الله يرحم ايامك.. دول شوية ملاليم باخدهم أنا والعيال معايا.. انا 002 والمساعدين معايا كام 100 الف
حسني : معقول ياشحتة بتاخد 002 جنيه والمساعد 001 وبتاع »اللجوان« 05 بس.
شحاتة : لأ ياريس.. دول مجرد 002 ألف بسلك بيهم حالي.
حسني : يخرب عقلك ياشحتة بتلهف 002 مليون.. دا انا فاكر »جيمي« و»لولو« بس همه الهبيشة.
شحتة:200الف ياريس مش 200مليون لاهبش ولاحاجة
شحاتة :مش هبش ياريس.. دي فن وهندسة.. وهبش ومعلمة.. واللي تكسب به العب به.. وسلملي علي الفساد.
حسني : علي رأيك .. أنا دلوقتي تعبان وتصبح علي خير .. وسبني في حالي.عاوز انام..خخخخخخخ