مذيع بقناة امجاد: امي ضربت بالشارع امس لانها "منتقبة"

أكد د.شريف عاطف -مقدم برنامج على قناة امجاد الإسلامية- أن والدته أمس ضربت أمس في الشارع من مجموعة من الاشخاص ومن سائق تاكسي لأنها منتقبة ولم ينقذها احدا ولم تتدخل الشرطة لإنقاذها.
وقال على حسابة الرسمي:"انا بقى امي مارحتش عند وزارة الثقافه , راحت معايه مستشفى العجوزه مخضوضه عشان تطمن على احمد البنا اللي اتشرح وكان هيموت عند وزارة الثقافه وهو بيعمل شغله روحتها لما لقيت الموضوع هيطول وانه لسه هيتخيط في مكانين في راسه من ورا ومن قدام وكمان تحت باطه وهيتجبس".
وأضاف:"ست عندها 55 سنه وهي مروحه سواق التاكسي عند اخر شارع التحرير قالها انا مش هدخل شارع السودان في الزحمه ديه انزلي هنا وقعد يزعقلها أتلم عليها مجموعة بلطجيه ونزلوها من التاكسي بالعافيه وقعدوا يقولوا لها يلا يامنتقبات يانصابين يا ولاد ال هي البلد كانت نقصاكم . انزلي غوري في ستين داهيه واخدوا فلوسها ".
وانهى كلامه قائلا:"واضربت في ازحم حته في مصر عند محطة مترو البحوث تقاطع شارع التحرير مع السودان الساعه 10 بليل في عز الزحمه والناس واقفه تتفرج ع المنتقبه النصابه اللي بتضرب وتستاهل ومحدش ساعدها ولا في عسكري في الشارع في مكان زي ده بينه وبين بيت رأيس الوزرا خطوات .. هي ديه مصر الثورة .. ملعون ابو مصر على ملعون ابو الثورة".