بالفيديو.."حجاجوفيتش" يروي حكاية سرقته خلال رحلة سفره إلى المجر

أعلن الرحالة المصري أحمد حجاجوفيتش عن تعرضه للسرقة خلال رحلة سفره من التشيك إلى المجر.
وقال خلال منشور له عبر صفحته الرسمية على موقع "فيس بوك":"اللهم أجرني في مصيبتي و أخلفني خيراً منها، الحمد لله علي كل شئ.. تمت سرقة جميع أغراض و كاميرات و حقائب و معدات الرحالة المصري حجاجوفيتش خلال سفره ليلاً في قطار النوم من جمهورية التشيك إلي المجر (الدولة 116 له حول العالم)".
وأضاف:" حجاجوفيتش راح عمل محضر سرقة في قسم شرطة بودابست و عملوله تحاليل و طلعت نتيجة التحاليل إنه تم بخ غاز مخدر و منوم (شديد التأثير جداً) في الكابينة الخاصة اللي حجاجوفيتش كان قاعد فيها في قطارالنوم و بعدها بدقائق قليلة كان تأثير المخدر قوي أوي خلي حجاجوفيتش ينام نوم عميق و بعدين عصابة الحرامية فتحوا قفل الباب و دخلوا سرقوا كل حاجة "كل حاااااجة" و قفلوا باب الكابينة تاني و إختفوا في لمح البصر".
وحكى قائلا:" و بعدها بساعات لما القطار وصل آخر الخط في محطة "كالاتي" المجرية الساعة 7 الصبح ، الناس صحت حجاجوفيتش و كانت "مصيبة السرقة" في انتظاره..الشرطة هناك بلغت حجاجوفيتش إن موضوع السرقة بالطريقة دي معروف جداً في "سلوفاكيا و رومانيا و التشيك و المجر و سلوفينيا و البوسنة و صربيا و أوكرانيا و بولندا" وإن عصابات متخصصة بتعمل كدة كتير بتنويم الناس اللي معاهم حاجات مهمة أو قيمة بالغاز المخدر ده من غير ما يحسوا و بعدين بيسرقوا كل حاجة منهم بالإتفاق مع "المسئول عن عربية القطار" لأنهم بيدوله حوالي 100 يورو (1000 جنيه) في إيده عشان يسهلهم العملية و بيعملوا كدة كمان في الفنادق برضو و يسرقوا الناس و هما نايمين".
وتابع:" أغرب حاجة في الموضوع كله إن ‫#حجاجوفيتش‬ كان عامل تأمين مع شركة التأمين الكبيرة "إليانز" في مصر و بعدين و هو في عز المصيبة بيكلمهم دولي في مصر عشان يعرف حيعوضوه عن تمن الكاميرات و الحاجات المسروقة بكام و لكن الصدمة ان الشركة اللي "مفروض كبيرة و محترمة" و بتاخد آلاف من كل واحد مسافر كتأمين عشان لو حصله اي مصيبة تبقي مأمناه ... كل اللي قالتهوله انها أكتر حاجة ممكن تدفعها له هي 2500 جنيه !".
وأكمل:" حجاجوفيتش بيحكي قصته دي لكل الشباب المصري و العربي عشان يحذر أي واحد فيهم مسافر للبلاد دية "شرق أوروبا" لازم يخلي باله جداً جداً جداً من موضوع الغاز المخدر المنوم اللي بيرشوه عشان يسرقوه".
واختتم بقوله:" بعدين عشان كمان كل الناس يخلوا بالهم كويس أوي أوي و هما بيختاروا شركات التأمين بتاعتهم و هما مسافرين و يتعاقدوا مع شركة تأمين حقيقية و بجد بتدفع تأمين محترم للناس لما بيحصلهم حاجة (مش بتلم فلوس بس و خلاص و بتديلك كلام كتير و متعرفكش لما مصيبة تحصلك)".
أحدث طريقة للسرقة بالغاز المخدر المنوم في بلاد شرق أوروبا
اللهم أجرني في مصيبتي و أخلفني خيراً منها، الحمد لله علي كل شئ...تمت سرقة جميع أغراض و كاميرات و حقائب و معدات الرحالة المصري حجاجوفيتش خلال سفره ليلاً في قطار النوم من جمهورية التشيك إلي المجر (الدولة 116 له حول العالم) حجاجوفيتش راح عمل محضر سرقة في قسم شرطة بودابست و عملوله تحاليل و طلعت نتيجة التحاليل إنه تم بخ غاز مخدر و منوم (شديد التأثير جداً) في الكابينة الخاصة اللي حجاجوفيتش كان قاعد فيها في قطارالنوم و بعدها بدقائق قليلة كان تأثير المخدر قوي أوي خلي حجاجوفيتش ينام نوم عميق و بعدين عصابة الحرامية فتحوا قفل الباب و دخلوا سرقوا كل حاجة "كل حاااااجة" و قفلوا باب الكابينة تاني و إختفوا في لمح البصر...و بعدها بساعات لما القطار وصل آخر الخط في محطة "كالاتي" المجرية الساعة 7 الصبح ، الناس صحت حجاجوفيتش و كانت "مصيبة السرقة" في انتظاره...الشرطة هناك بلغت حجاجوفيتش إن موضوع السرقة بالطريقة دي معروف جداً في "سلوفاكيا و رومانيا و التشيك و المجر و سلوفينيا و البوسنة و صربيا و أوكرانيا و بولندا" و ان عصابات متخصصة بتعمل كدة كتير بتنويم الناس اللي معاهم حاجات مهمة أو قيمة بالغاز المخدر ده من غير ما يحسوا و بعدين بيسرقوا كل حاجة منهم بالإتفاق مع "المسئول عن عربية القطار" لأنهم بيدوله حوالي 100 يورو (1000 جنيه) في إيده عشان يسهلهم العملية و بيعملوا كدة كمان في الفنادق برضو و يسرقوا الناس و هما نايمين أغرب حاجة في الموضوع كله إن #حجاجوفيتش كان عامل تأمين مع شركة التأمين الكبيرة "إليانز" في مصر و بعدين و هو في عز المصيبة بيكلمهم دولي في مصر عشان يعرف حيعوضوه عن تمن الكاميرات و الحاجات المسروقة بكام و لكن الصدمة ان الشركة اللي "مفروض كبيرة و محترمة" و بتاخد آلاف من كل واحد مسافر كتأمين عشان لو حصله اي مصيبة تبقي مأمناه ... كل اللي قالتهوله انها أكتر حاجة ممكن تدفعها له هي 2500 جنيه !!حجاجوفيتش بيحكي قصته دي لكل الشباب المصري و العربي عشان يحذر أي واحد فيهم مسافر للبلاد دية "شرق أوروبا" لازم يخلي باله جداً جداً جداً من موضوع الغاز المخدر المنوم اللي بيرشوه عشان يسرقوهو بعدين عشان كمان كل الناس يخلوا بالهم كويس أوي أوي و هما بيختاروا شركات التأمين بتاعتهم و هما مسافرين و يتعاقدوا مع شركة تأمين حقيقية و بجد بتدفع تأمين محترم للناس لما بيحصلهم حاجة (مش بتلم فلوس بس و خلاص و بتديلك كلام كتير و متعرفكش لما مصيبة تحصلك)Ahmed Haggagovic - أحمد حجاجوفيتشأدمن
Posted by Ahmed Haggagovic - أحمد حجاجوفيتش‎ on Thursday, December 3, 2015