وزير التخطيط: قدامنا 30 سنة.. وسياسيون: فاضل 30 سنة إلا يوم يامسهل

توالت كثير من ردور الأفعال الساخرة على مواقع التواصل الاجتماعي، عقب تصريحات وزير التخطيط، بأن المواطن عليه أن يصبر ثلاثون عاما حتى يشعر بتنمية واستقرار.
وقال الدكتور أشرف العربي، وزير التخطيط والمتابعة والإصلاح الإداري،- خلال مؤتمر المسئولية المجتمعية للشركات بالإسكندرية، أمس- "البعض يسألنا: متى يشعر المواطن بالنمو؟ وهنا نقول إن المواطن يشعر به بعد 30 سنة نمو متصلة".
وعلق حازم حسني، ساخرا "السيد وزير التخطيط راجل صريح ودوغري، لا ليه في اللف ولا الدوران، ولما سألوه عن امتى المواطن حيشعر بثمار النمو كانت إجابته قاطعة زي حد السيف: بعد 30 سنة نمو متصل".
وأضاف- عبر منشور له على موقع التواصل الاجتماعي "فيس بوك"- "طب نفترض- من باب التشاؤم والسوداوية اللى ربنا خلقنا بيهم- إن المواطن صبر على السيسي 30 سنة، زى ما صبر على مبارك قبل كده 30 سنة زيهم، وبعدين ما شعرش بثمار النمو؟!".
وتابع "ساخرا"، "متهيأ لى إن الإجابة واضحة، وهى إن المواطن اللي يقعد 30 سنة هاريينه نمو وما يحسش بيه يبقى أكيد مواطن عديم الإحساس، وأغلب الظن إن هذا المواطن بعد 30 سنة ح يكون جاله ألزهايمر ونسى إنه من 30 سنة كان فيه سؤال عن الإحساس أصلاً!!".
واستطرد "وعلى رأى جحا: مش مهم الحمار يتعلم يقرا بعد 30 سنة، لأنه بعد 30 سنة يا حيكون المواطن مات، يا حيكون الحمار مات، يا حيكون نور عينين الحمار انطفى وما بقاش محتاج يقرا اللي في الكتاب!! .... اللي منكم حيبقى عايش ساعتها يبقى يقرا الفاتحة للسلطان، ويعيش وياكل غيرها باطمئنان!!".
وقال الكاتب الصحفي، سليم عزوز، "وزير التخطيط في سلطة الانقلاب: نحتاج لثلاثين سنة حتى يشعر المواطن بثمار التنمية!".
وتابع- في منشور له على "فيس بوك"- "مضي يوم، وفاضل لنا 30 سنة إلا يوم.. يا مسهل.. هانت!"
فيما علق Mohammed Attia Al Ghareeb "هو الواحد بيعيش كام سنه مش كلهم ستين ولا سبعين نستحملهم وخلاص، ربنا يعدي بقي الستين سبعين سنة دول على خير".
فيما علق Hesham Gamal E'din "عادي خالص, لو السيسي ما حققش النمو ده خلال ال30 سنة ومات أو اتقتل يبقى البركة في ابنه بعد ما يورثوه الحكم من بعده بقا".