نشطاء للسيسي: "طلع أبو لهب من قبره واعملوا ثورة على الدين"

انطلقت موجة من التعليقات الغاضبة على مواقع التواصل الاجتماعي عقب تصريحات قائد الانقلاب العسكري عبد الفتاح السيسي بأن هناك "نصوصا وأفكارا دينية مقدسة تعادي الدنيا كلها".
فعبر هاشتاجات "السيسي مرتد" و "السيسي" و "لا أهلا ولا مرحبا بالسيسي" عبر الآلاف من النشطاء في جميع أرجاء الوطن العربي عن استنكارهم الشديد لتصريحات قائد الانقلاب العسكري.
وكانت أبرز التدوينات التي تداولت ما كتبه الكاتب أنس حسن ": عارف يعني إيه السيسي ينتقد نصوص مقدسة، ويقول إنها تعادي الدنيا؟ يعني إنه تجاوز الحياء العلماني اللي كان بيتكلم عن إشكالية تفسير النص المقدس.. لا ده.. دلوقت بينتقد النص ذاته.. النص ده اللي هو (قرآن وسنة) مفيش في الدين حاجة يطلق عليها نص مقدس غيرهم.. تعرف يعني إيه ردة؟"
وأردف حسن في تدوينة أخرى "السيسي بيكشف عن وجهه الخبيث جدا .. بيقول ان مليار ونص عايزين يقتلوا ال 7 مليار .. بيلمح لفكرة الجهاد وفلسفته وبيلمزها وبيحول الأمة المذبوحة لأمة ذابحة .. لم يجد اليهود ضالتهم إلا في السيسي".
من جهته، علق عضو جبهة الضمير عَمْرُو عبد الهادي عبر تويتر قائلا " السيسي يدي لمحمود بدر،مصنع بسكويت ماشي، يجوزه ماشي.. إنما يعمل ثورة على القرآن علشان يضيفله سورة طلع البدر علينا ده كتير" وأضاف "بما إن السيسي عايز يعمل ثورة على الدين يروح يطلع أبو لهب و أبرهة من قبورهم و يطلع الطلعة دي".
ودون السياسي أحمد غانم قائلا: "أبو جهل يدعو لثورة فكرية، طيب مش تعرف تقرا عربي الأول قبل ما تدعو لثورة فكرية-دينية...إحنا محتاجين لثورة فعلا ولكن ثورة محو أمية عشان مفيش جاهل زيك يتعين وزير دفاع ويبلطج ويسجن ويقتل أساتذة الجامعة ويعمل نفسه ريس ومصلح للفكر الإسلامي وهو أساسا جاهل مابيعرفش يقرا آية واحدة صح".
بينما قال ياسر الازهري"يا أعداء الدين الإسلام لم ينتشر لإنه دين قتال، الإسلام انتشر لحاجة العالم للعدل والقوه والتسامح، إنتشر لكونه دعوه لازمه للحياه".
وعلق محمد المسلمي: "السيسي وهو بيحذر الشعب يقول لهم هذه الأمة تمزق وتدمر ونحن من نمزقها وندمرها.. المهم وهو بيقول كده كان بيشاور على نفسه، صدق وهو الكذوب".
وقالت العنود "السيسي ماكفاه الانقلاب على الرئيس المنتخب وتخريب مصر، دلوقتي بيغير الدين ويخرب عقيدة الناس..وهل مازال هناك احمق يدافع عنه".
وتساءل محمود شبايك: "السيسي طلب من المثقفين إنهم يعلموا الناس الدين الإسلامي الوسطي، واليوم طلب من مشايخ الأزهر ثورة على النصوص والأفكار القديمة، هو عايز إيه بالضبط؟".
أما وائل محمود "لما مرسي عمل إعلان دستوري عشان ينضف البلد الكلاب طلعت تقول ده فرعون أهو جالك كافر رسمي وعايز يغير الإسلام علي مزاجة #السيسي_مرتد"
بينما قال الناشط أحمد زكي: "السيسي للطيب: تجديد الخطاب الديني مسؤوليتكم وسأحاججكم به أمام الله.. السادات في خطاب شهير قال: بتشتكيني لربنا يا تلمساني؟.. اسحب شكوتك يا تلمساني".
وغردت نعمة محمد: "سيدنا أبو بكر رضي الله عنه أرسل الجيوش لمحاربه مسلمين رفضوا دفع الزكاة بحجة أن الرسول صلى الله عليه وسلم مات، أومال لو كان سمع السيسي ؟!"
بينما غردت حلا إبراهيم: "نصوص مقدسة تعادي الدنيا كلها، اللهم صاعقة لا تبقي ولا تذر اللهم ابدأ بالعلماء ومن توشح بالدين ولم يتمعر وجهه لهذه الكفريات.
وقال أحمد البطل: "هناك نصوص دينية مقدسة تعادي الدنيا كلها محتاجين ثورة دينية.. يا ريت بقى تقوللنا السور والآيات اللي عايز تحذفها".
وكان قائد الانقلاب عبد الفتاح السيسي قد صرح أن "هناك نصوصا وأفكارا دينية قدست عبر مئات السنين لدرجة تعادي الدنيا كلها.. 1.6مليار هيقتلوا 7 مليار عشان يعيشوا هما" طبقا لقوله.