حركة كفاية تنظم وقفة إحتجاجية أمام حى المنتزة إحتجاجا على إنقطاع التيار الكهربائى‎

دعت الحركه المصريه من أجل التغيير “كفاية” بالإسكندرية الى وقفة إحتجاجية و مسيرة من أمام حى المنتزة و حتى شركة كهرباء بسيدى بشر ، بعد غد السبت فى التاسعة مساء ، كما دعت الحركة الى تحرير محاضر جماعية ضد مديرى شركة الكهرباء و الإمتناع عن سداد فاتورة الكهرباء .
و جاء نص منشور الدعوة الى المسيرة “عايشين فى الضلمه ، ، كام واحد بينقطع عيشه ولا عارف يقضى مصلحه ، كام واحد بيموت فى المستشفيات لما الأجهزه بتتعطل ، كام واحد بيحبط لما يلاقى عواميد الآنارة شغال فى عز النهار ” طب واحنا نعمل ايه” الحكومه بتقول ان الشعب مبيعرفش يرشد الكهرباء ، الحكومه بتأخد الخدمه مننا كل شهر وكأن الخدمه مفيهاش مشاكل “” يبقى الحل “اولا :كلنا هنعمل محاضر جماعيه لمديرين شركه الكهرباء ، ثانيا: لو فضل إنقطاع الكهرباء زى ما كان يبقى مش هندفع فاتوره الكهرباء إلا لما نلاقى مقابل الفلوس خدمه “و أكدت الحركة على أن الكهرباء ليست مطلب فئوى و إنما الكهرباء حق شعبى .