بالفيديو.. تامر أمين ل" وزير الداخلية": "عايزك تبقى مفتري .. وكفاية طبطبة "

طالب الإعلامي تامر أمين، اللواء محمد إبراهيم، وزير الداخلية، بالتعامل بعنف وحزم مع الإرهابيين، وأن يتخلي عن «أسلوب الطبطبة والنعومة»، بحسب وصفه، الذي يستخدمه رجال الشرطة هذه الأيام، وأن يتصرف مثل وزير الداخلية الأسبق اللواء أحمد زكي بدر.
وقال «أمين»، في برنامجه «من الآخر»، على قناة «روتانا مصرية»: «إحنا عايزين داخلية تبقى أسود من أسود الله، حالة الطبطبة، والداخلية الناعمة اللي كنا بنشوفها مش هتنفع وأنا قاصد الكلام اللي بقوله، حالة الطبطبة اللي كنا بنشوفها والخوف من النشطاء والخوف من الحقوقيين.. أنا آسف نتكلم في حقوق الإنسان والديمقراطية والاستخدام المفرط للقوة الموضوع دا بعدين لما يجيلها وقتها.. لما نبقى قاعدين في وطن زي سويسرا والدول وفي رخاء.. لكن في وطن فيه حرب ومستهدف من وجوده ما أسمعش كلمة عن حقوق الإنسان».
وتابع: «أنا فاكر زمان كان في وزير داخلية اسمه زكي بدر، بغض النظر عن أي سلبيات ورغم تحفظاتي عليه بأنه سليط اللسان، كانوا بيسموه السفاح والجزار، حد فاكر الراجل ده؟.. أنا قصدي في صرامة وقوة زكي بدر أنا عايزك تبقى مفتري زيه».
وأضاف: «أنا كنت فاكر موقف لزكي بدر كان مدير أمن القاهرة كان داخل عليه بيقول له يا معالي الوزير فيه حملة أمنية نازلة منطقة الدرب الأحمر تجيب واحد إرهابي وقاتل وخاطف وعليه أحكام بالإعدام، وهيبقى في مكتبك بالليل.. فرد عليه زكي بدر وقال له (وهتجيبوه من مكانه لمكتبي ليه.. أول ما تشوفوه خلّصوا على أمه هناك».
وأكمل «أمين»: «أنا مبقولش اعملوا كدة قوي.. بس اعملوا كده».