حولوا حياتي لجحيم .. بنات زوجي نكد مستمر

السلام عليكم ,أنا يا دكتورة قصتي كثير طويلة بس بالمختصر,أنني تزوجت بعمر 23 من رجل 40 مطلق وعندو ثلات بنات كان ببلد تانية بيشتغل وأنا كنت يهديك البلد يشتغل تعرفنا وحبينا بعض وكان رافض فكرة الزواج قبل ما يعرفني لكي لا يضلم بناتو وطليقتو كثير نكدية وما بتحترمو,أنا ما عندي أي مشكلة مع زوجي كثير طيب وخلوق وحب فيا التزامي بديني وتربيتي لأولادي عندي بنت ومؤخراً جبت ولد وصارت المشاكل مع بناتو وبالاخص اكبر وحدة بعد مشاكل طويلة لما عرفو انو تزوج ونكدهم وأمهم طعناً بعد عناء طويل لما تقبلو القصة.
تعرفت عليهم حبوني لقوني طيبة وصارو كل اخر أسبوع بييجو عندنا يومين ويرجعوا عند أمهم والعطل كلها بيقضوها عندنا الكبيرة ما بتيجي عمرها 18 والصغار 9 و7 بتيجي مرات فقط زيارة قصيرة وتروح كل العطلة الصيفية بيقعدوها عندي وبتحمل دلعهم وما بنسافر الا معنا وما باخد راحتي مع زوجي احتراما لهن ولما جبت بنتي كانو خايفين يكون ولد قالتلو الكبيرة بياخد حبك لنا وكثير كلام فاضي وهو كثير مدلعهم وما بيقصر معهم بشي,سافرت مرة لبلدي ولما جيت أرجع الكبيرة عملت قصة ورفضت رجوعي وابوها تعب من نكدهم واكتأب,امهم بتحرضهم وضل طزل يومها بتسبني وابوهم.
والمشكلة لما تشوفني عادي بتيجي وتسلم من بعيد وتقعد وبتحكي كأنو مافي اشي أ بدأت اغير معاملتي معها وبختصر معها كل شي الكلام والتعامل مرات بتسمعني حكي مثل مرة قالت الغبية اللي بتترك شغلها وتتزوج وتقعد بالبيت وقالتلي اسفة ما بقصدك,لما جبت الولد زارتني بالمستشفى وما سلمت وضلت زعلانة ومبين على وجهها الغضب وما حدا غصبها تيجي لكن هي اجت عشان تبين استياءها وتنكد لأبوها فرحتو مع انو كثير بينتبه لتصرفاتو لكي لا يجرح عواطفهم,أنا بتصرف معهم عادي بالبيت مع اني كثير اتضايق من الفوضى اللي بيعملوها فالبيت أنا كثير بحب النضافة والترتيب وبنبههم يرتبو وراهم وهن بيدايقو صارو بيحسبو أي كلمة بطلعها وبيزعلو منها ويراقبوني ايش اشتريت وايش جبت لبنتي وايش زدنا بالبيت بيطلبو لبيتهم وأنا والله مش مقصرة معهم كلما ييجو بيلاقوني جايبالهم هدية ما بيسألو عندهم كلشي بيخطر بالبال أبوهم بس يتمنو بيقولهم حاضر.
اخر مشكلة اتصل ابوهم عشان يجيبهم اخر الاسبوع عندنا رفضو وكلمتو اختهم الكبيرو قالت انو انا بقلل ادبي معهم وشفت حالي لما جبت الولد وتغيرت وكثير يصرخ على البنات وسبيتهم انهم ملابسهم مقرفة وكثير كلام وأنا والله افترو علي ولا قلت شي من الكلام في قصص عادية كبروها والحمد لله حماتي كانت قاعدة وسمعت الكلام اللي دار بيني وبينهم,وأمهم سبت زوجي وقالت انها سوف تتصل فيا وتعلمني الادب لكن هي ما اتصلت البنات ما اجو وزوجي اساء من الكلام اللي طلعوه,وما سأل عنهم عقابا لهن,الصغيرة كان عندها حفلة وكلمتو وطلبت حضور وحضر وفرح ما صدق انهم رجعو اتصلو وسألو عنو عزمهم على الغدا برى وتكلمو بالموضوع وبكو وبكوه وقالو انو انا بضلمهم ولو كان كامرا بالبيت بغيابو ويشوف كيف بعاملهم وكثير كلام,رجع زوجي متغير كأنو صدقهم وبسألو مالو ايش صار بيقول ولا شي تعبان,ثلات ايام ما بيتكلم وبعدها قالي شو صار بعد اصرار مني وقالي انو كان بيدافع عني وقالهم لو الف العالو ما بلاقي مرت ابو أحسن منها,لكن هن اقنعوه انهم صارو بيكرهوني وبييجو لعندو من يومها زوجي منكد وما بيكلمني لما بسألو بيقولي كل اللي بنيتو انهد وبناتي صارو بيكرهوكي .وضل زعلان بيحكي معي عادي بالضروريات .
وانا زعلت لأنو فوق ما اهانوني وضلموني زوجي زعل مني انا كانو انا السبب وهو عارف انو أمهم بضل تعبيهم وتحرضهم علي,في اخر الاسبوع صار بيروح يطلعهم وطلبو انهم يشوفو اختهم كنا راجعين من دكتور بنتي اطعمت وقالي باخدها عند البنات يشوفوها رفضت وهو زعل وأخدنا أنا انتضرت بالسيارة وهو اخدها لبيتهم كانو لوحدهم وفالاخر نزلو عندي للسيارة يسلمو علي و بصراحة ما بعرف امثل ولا اجامل ما ابتسكت ولا تكلمت عرفو اني زعلانة وعملو كانو ما في اشي بيمثلو علي اشتقنالكم وين كل هالغيبة,وراحو واختهم قالت لأبوها باجي اتغدا عنكم وكأنو مافي اشي انا محتارة كيف اعاملهم بعد هالاهانة والافتراء والمشاكل اللي ما طلعت منها مع زوجي انا ما ندمت لانو تزوجت زوجي لانو ما بلاقي مثلو بالعالم لكن بناتو وأمهم سبب مشاكلنا,آسفة طولت لأني ما عندي احد أشكيلو همي لأني غريبة في هالبلد .
منار - لبنان
لابد لك أن تعلمي أن ما أنت فيه الآن هو من تبعات القبول وبرجل كانت له زوجة سابقة وله أبناء لن يمكنه التخلي عنهن مهما كانت الأسباب ولكي أن تعلمي أيضاً أن كل ما يقمن به هو من دافع غيرتهن علي والدهن منك أنت التي استحوذت عليه في نظرهم ، لذلك ليس أمامك سوي التكيف مع حياتك بهذا الشكل خاصة وأن لديك أطفال وزوجك يقدرك ويحبك ولا ينقصك شيء فالزوج ليس نزهة ترفيهية في نهر هادئ ، والراحة والنعيم الأبدي ليسا في الدنيا ، والزواج مسئولية كبري عليك بتحمل تبعاتها ، ولا تنسي أن ما نمر به من محن الحياة هو الاختبار الحقيقي لقوتنا وصلابتنا وهو العامل الأهم في إنضاجنا علي نار التجربة ، هذه المحن هي التي تكشف لنا حقيقة الحياة وتعيننا علي فهمها بالشكل السليم ، وأنت من فضل ربك عليك لست في محنة كبيرة إنما هو أمر عارض سرعان ما سوف تتكيفين معه .
أنت قبلت بالوضع منذ البداية وأنت تعلمين ما قد يؤول إليه مصيرك ، وما قد تتسبب حياته السابقة في مشكلات لك ، فهو إن كان قد انفصل عن زوجته فلن ينفصل عن بناته ، وعليك أن ترضي بالأمر الواقع ، وأن تعيشي حياتك خاصة وانك لم ينقصك شيء من حب زوجك ورعايته أو من إنفاقه عليك ، فهو في كل الأحوال لم يقصر معك ، وأنت لم يخفي عليك شيء من حياته السابقة ، فأين الضرر الواقع عليك الآن ، وقد كنت علي بينة وعلم بكل شيء ، إن شيء من الصبر وقليل من التنظيم وطول البال كل هذه الأمور من شأنها أن تمر بشكل عابر وسريع علي حياتك بعدها ، سوف تستقر الأمور وتطيب لك الحياة ويهنأ لك العيش بعد الصبر والرضا طبعاً ، لكن يبدو أن رغبتك في الحياة السهلة الناعمة ، جعلتك لا تتحملين أية مسئولية من أي نوع .

ومهمتك الآن هي أن توفري لزوجك الراحة والهدوء وتعينيه علي تحمل مسئوليته قدر المستطاع و كما يقول أبوالقاسم الشابي
فإن قضي اليوم وما قبله .. ففي الغد الحي‏..‏ صباح الحياة‏
فلا تيأسي لأن أمامك طريق طويل عليك بالصبر والرضا زاد للسير فيه ، وعليك بالحكمة ونفاذ البصيرة ، كي تتمكني من عبور هذه الأزمة بسلام ، فاحتوي بنات زوجك لأنهن في النهاية إخوة لولدك ، وتصرفي معهن بما يرضي الله من رعاية تامة وعناية وتوجيه ، ولا تبخلي عليهن بالنصيحة ، ولا تعتقدي أن من يزرع الخير يحصد الشر أبداً ، إنما تزرعين الخير لوجه الله وليحفظ الله ولدك أيضاً ، اجعلي تقوي الله والصبر علي المكاره هما زادك في طريق حياتك ولا تأسي علي ما يحيط بك الآن ، فالفرج قريب .
عواطف عبد الحميد
نتلقي رسائلكم علي الرابط التالي
تابعوا أوتار القلوب علي الفيس بوك