لو تندهي .. قصيدة عامية بقلم سمر المليجي

العشب مهما إنتنى
لازم يشب لفوق
وأنا قلبي مهما انهزم
طاير بحلمه لفوق
منك يجيب الفرح
منك يجيله الموت
أصل الفرح ضحكتك
والموت سكوت بسمتك
ومهما زادوا العدا
واستجبروا الفاجرين
انتي شروق عدلنا
وانتي حقيقتنا
والبسمة للي بكوا
ونهار ضلام ليلنا
وانا ايه أكون فيكي
ياللي قمر
يغزل بحسنك ضيه
انا ايه اكون فيكي
ياللي الشروق
خد من ضحكتك صبحه
انا ايه اكون فيكي
ياللي في سكون الليل
وف قهرته السوده
تمدي كفوف الايد
او تفرشي رمشك
يشق النهار الليل
ويكون صدى همسك
همسك يبيد العدا
ويقتل الخاينين
طب ايه لو تصرخي
لو تندهي التايهين
يجوا كما الزنهار
واقفين قصاد بابك
ويصلوا في رحابك
يتوضوا من كوعك
والقبله في ضلوعك
ولو تندهي اسمي
ارجع طفل وليد
يرجع غنا قلبي
ما اشبعش من ضمك
ما اشبعش من حضنك
والعشب مهما انتنى
لازم يشب لفوق
وانتي رغم العدا
باقية بطهرك فوق
رافعه جبينك فوق