نوارة نجم تتوقع فوز عمر سليمان بالرئاسة وحل البرلمان

أعربت الناشطة السياسية نوارة نجم، عن تخوفها من عدم اتمام الانتخابات الرئاسية خلال المرحلة القادمة، وقالت: "احساسي سبعين في المية كده انهم مش حيعملوا انتخابات الرئاسة اصلا، ولو عملوها حيجيبوا عمر سليمان.. بس ده احساس عشان ما تقولش قلت لنا وطلع غلط".
واضافت " لعلمكم بقى عمر سليمان مازال مرعب لحد دلوقت.. عشان تبقوا عارفين بقى.. ومش عايزة افسر".
وقالت في تدوينة قصيرة على موقع التواصل الاجتماعي "تويتر": "اصل الواحد يحط نفسه مكان البني ادم عشان يعرف بيفكر ازاي، انا لو مكانهم وعملت كل الجرايم دي يستحيل امشي".
ودعت نوارة إلى عمل توكيلات للمرشح المحتمل للرئاسة، المحامي خالد علي، وقالت: "إحنا لازم نعمل التوكيلات دي عشان لما ننزل نلاقي مجلس رئاسي له شرعية لان غالبا مش حيعملوا الانتخابات وممكن يحلوا البرلمان".