كيف ردت داعية إسلامية علي متصلة تشتكي من بناتها:"هحرمهم من الميراث"!

اشتكت متصلة تدعى "فريال" 45 سنة من بناتها قائلة:"انا معايا بنتين متجوزين, روحت عملت عمرة مرتين وهم مقاطعينى ومكنتش بكلمهم ولابيسألوا عليا الا لما يكونوا عاوزين حاجه والا فلوس وياخدوها ويمشوا وانا لوحدى ومحدش بيسأل عليا".
وأضافت متسألة "فريال" من خلال برنامج "فقه المرأة" على قناة "الحياة 2" اليوم الخميس، قائلة"انا معايا قرشين وغوايش ومستخسرة فيهم لو حصل لى حاجة وانا عاوزة اتبرع بيهم لمستشفى السرطان ومعهد القلب فهل ده حرام عليا "، فردت الداعية الإسلامية، .سعاد صالح، " فى حال حياتك مش حرام عليكى أولاً أن الاصل أن بناتك ينفقوا عليكى وليست انتى من تنفقى عليهم فالأصل إنك ملزمة ومسؤلة منهم واللى بيعملوه ده عقوق فهم لايستحقوا بسبب العقوق أنك تديهم أى مساعدة وإذا حبيتى أن تتبرعى الآن تبرعى وليس عليكى أى ذنب ومعاقبة العقوق ستكون فى الدنيا قبل الآخره وكما تدين تدان".