نشطاء : مات الورد اللي فتح في جناين مصر .. والشهداء يحساب عليهم الإخوان

بعد إصدار الحكم النهائي في القضية المعروفة إعلاميا ب "محاكمة القرن" وبراءة الرئيس الأسبق حسني مبارك فى قضية تصدير الغاز لإسرائيل ، وعدم جواز إقامة الدعوى القضائية فى اتهامه بقتل المتظاهرين، وبراءته هو ونجليه ورجل الأعمال الهارب حسين سالم فى تلقى عطايا عبارة عن 5 فيلات ، وبراءة وزير الداخلية الأسبق حبيب العادل ومساعديه ال6 ، تداول عدد من نشطاء مواقع التواصل الاجتماعي العديد من الصور والكوميكات الساخرة من تلك الأحكام .
كما سيطرت حالة من الاستياء والغضب على النشطاء، وأنهالو بالكثير من التعليقات بعد سماع حكم البراءة .
مصطفى الزملكاوي يقول " وهيتقبض على الشعب المصري بتهمة البلاغ الكاذب على مبارك " .
وآخرĞöTzè-erxbadxbøyzx يقول " هو مبارك اتسجن أصلا !! اللي عمله أنه سلم السلطه للجيش ، والجيش باتصالاته مع القضاء خرج مبارك ورجالته وهيمسكوا مناصب من تاني " .
أنور فتحي يقول " أما مبارك يطلع برائه يبقى هيتقبض على الشعب بتهمه التحريض وإثاره الشغب والثوره بدون ترخيص " .
داليا أحمد تقول " حسبنا الله و نعم الوكيل ، اللهم أضرب الظالمين بالظالمين وأخرجنا منهم سالمين " .
زهرة البنفسج تقول " هي دي مصر يا عبله وهو ده قضاء مصر "
أحمد نصر " اليوم حكم علي مبارك بالبراءة وعلي الثورة بالإعدام " .
رشا أحمد تقول " هى دي مصر مبروك لأم الشهيد ابنك حقه ضاع في بلد متعرفش القضاء العادل ولا تعرف يعنى إيه عدل " .
محمد السعد يقول " القضاء شامخ مفيش كلام " .
محمود رشدي يقول " براءة حتي تكتمل الصورة " .
كما ودشن عدد من النشطاء العديد من الهاشتاجات منها " براءة ، الإخوان ، ثورة 25 يناير " ، وعلقوا من خلالها .
نور زايد تقول " وانتهت المسرحيه يا شويه ثوار..لم نجن منها سوى عدد لا بأس به من القتلى والمعتقلين والآرامل واليتامى " .
هاجر الزين تقول " كل ثوره وأنتوا طيبين " ، عبد الرحمن يوسف يقول " عودو الي مقاعدكم " .
محمد مختار يقول " هو الحاجه الوحيده اللي كان ناقص يقلها القاضي هي محاكمة الشعب المصري بتهمة ‫#ثورة_25_يناير‬ " .
إسلام حجي يقول " أحكام البراءه هي بمثابة إعلان وفاة ‫ثورة_25_يناير‬ " .
خليل ياسين يقول " عندما تقنعني أن الذئب ليس بريئ من دم سيدنا يوسف عليه السلام اقتنع معك أن حسني مبارك ونجليه ووزير داخليته ومساعدية الستة ليس هم من قتلو الثوار " .
وكميك أخر
محمد كريم يعلق " إن كُنتُم قد نجوتم من قاضي الأرض فلن تنجو من قاضي السماء " .
تريز توته تقول " ربنا في أيده كل الأمور وهو الوحيد اللي عارف الحقيقة فين ، فلتكن مشيئته وهو القادر العليم " .
محمود حميده يقول " النهارده مات الورد اللي فتح في جناين مصر " .
أحمد صالح يقول " ألف مبروك يا أبو علاء ظهر الحق ولسة حق الشهيد مجاش " .
أيهاب خالد يقول " الحريه مش ببلاش " .
عبده الماجيك يقول " يا جماعة إحنا المفروض نفرح ، مبارك بكرة يترشح للحكم ويفوز ويعدل مواد الدستور ويحكم كمان 40 سنة ويرجع الاستقرار من تاني " .
إكرامي الشافعي يقول " الناس لازم تشرب حشيش علشان إحنا ظلمنا مبارك وحبيب وشيلة الأونس يخربيت دة عدل دا لو اسمة كدا ".
أحمد حمدي يقول " المفروض أنا دلوقتي كمواطن مجرم أروح أسلم نفسي " .
أحمد السقيري يقول ساخرا " من الواجب أن تقدم الدولة اعتزار رسمي لحسني مبارك ، قضاء عادل عادل يعني مش أي كلام " .
عليا خاطر تقول " نظام مبارك احنا عيشين فيه دلوقتي بس على أقوى ولا ثورة بقا ولا بتاع كله كان مسرحيه " .
كما ظهرت مجموعة من الأراء المؤيدة للحكم ، وعلقت عن مدى إعجابهم لهذا الحكم .
NoNa RoSe Nano تقول " بعد كل إرهاب اللى شفناه....أظن مافيش سبب لحبسه ولا هو اسنعباط...الشهداء دول يحساب عليهم الإخوان مش مبارك...وكفايه تسخين " .
أشرف العناني يقول " اللي عملوه الخرفان مش قليل علي مبارك البرائه " .
خالد راجي يقول " مبروك ياريس ، كنت واثق من برأتك ، وكفانا مهاترات وعلينا احترام القانون وحكم القضاء ، هى مش غابه " .
إيجي سولو تقول " أنت غلطت سياسيا صحيح ياريس، وسبت البلد ينخور فيها السوس صحيح ، لكنك لم تأمر بقتل شعبك " .