بالفيديو: «المخترع الصغير» يكشف أحد اختراعاته لتنشيط السياحة

كشف الطالب عبد الله عاصم الملقب ب"المخترع الصغير"، عن أحد المشاريع التي كان يعمل عليها مستقبلا لتنشيط السياحة المصرية وهو مشروع خاص ب "تخيل الشخص بتواجده داخل أهرامات الجيزة".
وكتب "عاصم" على صفحته بموقع التواصل الاجتماعي "فيس بوك"، اليوم، إن هذا المشروع يهدف إلى "تخيل أنك تتواجد في مكان الأهرامات ورأيت كل ما يحيط بك من الأرض والسماء والأهرامات الثلاثة وأبو الهول".
وأضاف: "بعد كده ممكن تركز على هرم منهم وتنزل تدخل جواه، وتتفرج على كل التفاصيل لحد ما توصل للمومياء بتاعة الفرعون كأنك في المكان، زيادة على كل ده إنك تقدر تطير فى المكان!".
وتابع: "السياحة عندنا ضعيفة لظروف البلد فلما إحنا نقدملهم وسيلة تعيشهم في مصر وتخليهم يشوفوا الآثار والموضوع مش متوقف بس على الأهرامات ممكن المعابد وحاجات كتير جدا، والموضوع هيبقى مربح بشكل كبير".
وأوضح "عاصم" أنه تم بناء تجربة المشروع على فيديوهات سابقة والاستعانة ب"google maps v3" وتكنولوجيا حديثة.