حسن شاهين: السيسي فاشل وغطاء «للحرامية و الفاسدين»

نفي الناشط السياسي المصري حسن شاهين ما تردد عن حصوله على أموال للانضمام إلي حملة المرشح الرئاسي لحمدين صباحي، مشيرا إلي أن شعار "تحيا مصر" هو أهم ما يعنيه.
وقال حسن شاهين من خلال تدوينه له على موقع التواصل الاجتماعي "فيس بوك": "أنا أهم حاجة عندى تحيا مصر بس مش شعار على الفاضى نضحك بيه على الناس زى ما أنتوا بتعملوا"، مضيفا أن "السياسة مش قرأن السياسة اجتهاد وانحيازات ومواقف بناء عن وقائع بتحصل كل يوم".
وتابع القول: "فكرت ان السيسي ممكن يعمل شراكة بين الثورة والدولة زى اى مواطن هدفه الثورة مش الأشخاص وطلع تقديرى غلط و قررت أنى أقول للسيسي لا اول ما نزل ملعب السياسة عارف ليه عشان السيسي شخص فاشل ميقدرش يحكم مصر، مصر عايزة حد عنده رؤية وهو معندوش اى رؤية وطالع يقولنا تقشفوا".
وأعتبر شاهين أن المشير عبد الفتاح السيسي جعل من نفسه "غطاء للحرامية و الفاسدين"، مشيرا إلي دعوة الرئيس الأسبق حسني مبارك لانتخاب السيسي.
كما رفض شاهين اتهام البعض له بأنه "خان و باع الدم و الثورة"، و قال: " ان المعركة واضحة جداً دلوقتى وأنها معركة ثورة فى وش ثورة مضادة عشان كده الوقائع اللى بتحصل فى الفترة دى هى الفرز الحقيقى وعشان كده هنكمل حلمنا مع حمدين صباحى"، رافضا مقاطعة الانتخابات الرئاسية القادمة.
وأعلن شاهين عن دعمه لصباحي لانه "بتاع الغلابة والفقراء مش فلول ولا تاجر دين وعشان مينفعش الثورة تسلم ولازم تكمل..بس كل مرحلة وليها تقديرها".