في تسريب جديد.. شفيق: الانتخابات الرئاسية «هزلية وملعوب فيها»

صرح الفريق أحمد شفيق، المرشح المحتمل لرئاسة الجمهورية، أن ترشحه فى الانتخابات الرئاسية مرهون بخوض المشير عبد الفتاح السيسى وزير الدفاع والإنتاج الحربى للانتخابات، وليس مجرد اعلان ترشحه، موضحا أنه سيكون مستعدا بكامل أوراق الترشح، وإذا قرر السيسى خوض الانتخابات فلن يشارك بها، مبرراً قوله بأن مؤسسات الدولة ستدعم السيسى " حيوضبوله كل الصناديق"، بحسب وصفه.
وشدد شفيق فى تسريب جديد كشفت عنه شبكة "رصد" الإخبارية"، اليوم الأربعاء، أن الإنتخابات الرئاسية المقبلة فى حال ترشح السيسى ستكون "عملية هزلية وملعوب فيها".
وجاء نص التسريب كالأتى:
"لأ طبعا انسحابهم هوه مش كلهم على كل حال. طبعا انسحابهم مرهون بترشيح السيسي.. أنا قلت إيه لو نزل انتخابات مش حانزل. مش مجرد ترشيحه.. يعني أول ما يترشح.. أنا حاعمل الورق بتاعي وحيبقى مرهون.. إذا هوه حينزل.. لأني أعلم إنه هوه حيوضبوله كل الصناديق.. حيوضبوله الدنيا.. عملية عملية حتبقى هزلية.. وهيه من الأول خالص من الأول ما الجيش أعلن ترشحيه مكنش يعني.. أنا أعتقد إنه يمكن لو جاله ضغط يعني يخلي.. يعني يلفت نظر العالم ل.. إنه هو الواحد ما يترشحش مش محبه فيه.. لأ لأنه الميكانيزم مش حيمشي سليم."
"إيه أواجه إيه.. اللي هيه لو معركة حواجه ..إيه العبط اللي بيقولوا ده.. إيه الناس السطحية دي.. حاجة الدولة حتشتغل لحسابه.. الدولة حتشتغل لحسابه. إيه المواجهة؟ المواجهة إنه أنا الشطارة إنه أخش وأجيب 10% وأطلع؟ الشطارة أخش وأجيب 8% وأطلع؟ إيه الشطارة في كده بقى؟ إذا كنت أنا عارف إيه اللي حيطلع.. إذا كانت مواجهتي حتعمل نتيجة ماشي لكن العملية ملعوب فيها ملعوب فيها كلها يبقى إيه بقى!.. لا يعني طبعا. إيه الرجولة اللي فيها يعني؟ هيه دي "فير فايت"؟ هل هيه يعني معركة شريفة؟."