حملة دعم البرادعي توزع منشورا بعنوان "البرادعي .. رد اعتبار" في محافظات الدلتا

اجتهد منسقو حملة دعم الدكتور محمد البرادعي مرشحا للرئاسة في توزيع الآلاف من المنشورات تحت عنوان "البرادعي .. رد اعتبار" في محافظتي كفرالشيخ و الدقهلية . و المنشور عبارة عن حوار بين مؤيد و معارض للدكتور البرادعي حيث يسأل المعارض أسئلة تدور علي ألسنة العامة في مصر كموقفه من غزو العراق و اتهامه بأنه كان من ضمن الأسباب التي أدت إلى إعطاء غطاء قانوني لأمريكا للقيام بعملية الغزو ، و يرد المؤيد بقوله ( إزاي هو اللي كان السبب في ضرب العراق ؟ إنت مشفتش التقارير اللي كان بيقدمها لمجلس الأمن بعد كل عملية تفتيش في العراق ؟ و تقدر تشوف التقارير دي بنفسك علي موقع اليوتيوب .. كل هذه التقارير تنفي امتلاك العراق لأسلحة الدمار الشامل و بناء عليه أمريكا ضربت العراق بدون غطاء من مجلس الأمن و بدون غطاء قانوني .. يعني بالبلدي كده أمريكا ضربت العراق فتونة مش عشان تقارير محمد البرادعي .. و كله موجود علي اليوتيوب و على مواقع كثيرة حتي علي الموقع الرسمي للأمم المتحدة على الإنترنت ) .. و ردا علي سؤال من المعارض يقول فيه : أمال ليه الناس بتقول عليه عميل ؟ قال المؤيد : تقدر تقولي ليه كل الناس كانت بتقول علي الدكتور مصطفي محمود إنه كافر؟ و علي أيمن نور إنه مزور؟ و ليه بيقولوا علي وائل غنيم إنه ماسوني ؟ و ليه بيقولوا علي الريان إنه حرامي ؟ و اللي ماكنوش قادرين يجمعوله تهمه كانوا بيمنعوه من دخول مصر زي عمرو خالد و الشيخ القرضاوي . و اختتم المنشور بقوله تعالي : ( يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا علي ما فعلتم نادمين ) .