حركة 6 أبريل تحتفل بميلاد المعتقل محمد شوقى بنقابة الصحفيين

قررت حركة 6 أبريل الإحتفال بميلاد المعتقل محمد شوقى أمام نقابة الصحفيين غدا وذلك تعبيرا منهم للظلم الواقع على هذا الشاب وجاء ذلك فى بيان لهم جاء فيه :
"غدا الاربعاء الموافق الخامس عشر من ديسمبر يبلغ محمد شوقي السادس و العشرون من عمره
ولكنه يقضي عيد ميلاده خلف القضبان في هذا الشتاء القارس بعيدا عن أسرته لأول مرة محمد شوقي ضحيه التزوير و التعذيب و الطوارئ اللي بيعيشها كل مصري
أي حد فينا ممكن يحصل له اللي حصل لمحمد شوقي.. و تلفق له تهم باطله و يلاقي نفسه وراء القضبان مثله في أي لحظه
كل اللى عمله محمد شوقى انه كان بيصور احداث عنف تمت بين اتنين من مرشحى الحزب الوطنى فى الاعاده يوم 5 ديسمبر فى دايرة البساتين ودار السلام
بيرصد الفضايح اللى كانت بتحصل ودور الداخليه فيها والتعاون اللى كان بيحصل بين الداخليه وعصابات الحزب الوطنى
وحصل بعدها إعتقال جائر لأهالى المنطقه لما الموضوع بقى اضخم من ترتيبهم
عايزين نعرف العالم كله ان محمد شوقي مش لوحده كلنا معاه و كلنا فاكرينه ولازم نعرف كل النشطاء فى كل العالم ان محمد شوقى بيقضى عيد ميلاده فى سجن قذر فى البرد القارس بدل ما يكون مع مراته وطفله الرضيع
بسبب رصده لاعمال بلطجه حصلت فى دايرة البساتين ودار السلام تحت سمع وبصر وزارة الداخليه كان ابطالها عصابات الحزب الوطنى بسبب محاولته لكشف الحقايق ورصد البلطجه
هنحتفل بعيد ميلاد محمد شوقي بكره كلنا مع بعض الساعه 6 م أمام نقابة الصحفيين"