أرجوكم افهموا يا أيها المغيبين فى الأرض

يحاول البعض خداع الناس وتزييف الحقائق على ان الثورة المستنيرة التى حدثت فى مصر هى انقلاب عسكرى ... لا والله كذبتكم على الله ، والشعب والضمير الانسانى
كيف يكون انقلاب عسكرى والسلطة فى يد رجل مدنى يتولى منصب رئيس المحكمة الدستورية العليا ، قاضى شريف يتولى المنصب مؤقتا لمرحلة انتقالية لن تزيد عن عام وله مهام محددة وهى الدعوة لانتخابات برلمانية ورئاسية وتعديل لمواد الدستور المعيب ... اما الانقلاب العسكرى فيكون كله من الجيش ويتولى هو حكم البلاد .. وهذا لم يحدث .
كيف يكون انقلاب عسكرى ، وجموع محتشدة تقدر بالملايين شاهدناها بالفيديو المصور من هيليكوبتر تجوب مصر كيوم الحشر تطالب بالتغيير وتحقيق الارادة ، فانحاز لها الجيش المصرى الباسل ، مثلما انحاز لها فى 25 يناير 2011 .... ييجى واحد يقولى واللى فى رابعة العدوية والنهضة ماهم برضو شعب ... هقوله برضو اللى كانوا فى مصطفى محمود والمنصة لتأييد مبارك اللى اتخلغ رغم قوته وقتها برضو شعب .. الارادة الشعبية هى القوة العظمى فى الدولة
القوات المسلحة انحازت للارادة الشعبية اللى ثارت ضد جماعة حاولت التمكين لنفسها فقط ، بالظبط زيها زي الحزب الوطنى لما كان كل همه التوريث .
انقلاب عسكرى معناه انه ميبقاش فيه اى دور لاى شخص او مؤسسة مدنية فى الانقلاب ، واللى حصل انه طلع شيخ الازهر ممثل عن الازهر ، وبابا الكنيسة ممثل عن الكنيسة ، وممثلين عن الشباب الثورى ، وممثلين على المثقفين والقضاء والشرطة ، وممثلين ايضا عن الفكر الدينى اللى المفروض مهتم اوى بالفكر اللى بندافع عنه كلنا وهو الشريعة الاسلامية السمحاء ... كل دول خرجوا علشان يقولوا البيان نيابة عن مصر ....
افتخروا بقواتكم المسلحة التى ادارت مرحلة التحول بمنتهى الحكمة والذكاء الاستراتيجى ، وتعاملت مع اخطر مرحلة مرت بها مصر فى العصر الحديث بكل مهنية واقتدار يدرس فى اعلى المعاهد العسكرية ( والله لا ابالغ ) ، وافتخروا بالشرطة المصرية التى درءت عنكم مخاطر كانت محدقة فى الافق ، وافتخروا بشعب كرمه الله بأن فطنته تحركه فى اللحظات الاخيرة قبلما تسقط دولته .
بدل ما نتكلم وندخل فى حروب كلامية ملهاش داعى او ليها اى لازمة ، ياريت نبص لبلدنا برحمة ، ونفكر للمستقبل وجماله بمصالحتنا وعزيمتنا وارادتنا وادارتنا ... مصر تستحق الريادة .. فاتقوا الله فيها وفى شعبها ..
حفظ الله مصر ورعاها بحوله وقوته ..