قطار الموت: الدم المصري رخيص .. والاستقالة غير كافية

لقد فزعنا جميعا من حادث تصادم أتوبيس مدارس بأسيوط بالقطار أثناء مرورة من بأحد مزلقانات سكة الحديد بمركز منفلوط . والذي راح ضحيته أكثر من ستين تلميذ وسبعة عشر إصابة .. ويطلع علينا وزير النقل ويقدم استقالته ويخرج أيضا رئيس سكك حديد مصر ويقدم استقالته وخمس الإلف جنية لأسرة كل متوفى هل الدم المصري أصبح رخيص لهذه الدرجة ..
في إيه يا مصر في إيه يا بلدنا .. هنفضل طول عمرنا نستنا لما تحصل الكارثة وكمان بمنعرفش نوصل لحل . عشان نمنع تكرارها مرة أخرى كل ما لدينا صرف كام جنية لأسر الضحايا واستقالة السيد المسئول ويشيل الليلة اصغر عامل . بقا بذمة ده اسمه كلام عايزين عدالة بجد عايزين محاسبة بجد لعدم التكرار .
بس للأسف ولاد مصر دمهم أصبح رخيص والموت يحاصر المصريين في كل مكان . وإذا كان ولابد فعلينا ان نقدم وزير النقل للمحاكمة عشان لو كان مهتم بأمر القطارات التي تمر من على مزلقانات وبيشرف عليها يمكن كنا تجنبنا أشياء كثيرة نعم هذا قدر والحذر لا يمنع القدر لكن مش مطلوب أيضا الإهمال وكمان لابد من محاسبة محافظ أسيوط لأنه لو كان بيقوم بدورة وبيشرف على المزلقانات ويشوف إيه اللي محتاجه تلك ألاماكن من توفير الأمن والأمان للمواطنين المارين عليها أيضا هتجنبنا الكثير من الكوارث وأين المشرف الذي يمر على الورديات ليتأكد من وجود عامل التحويلة أين المسولين بتسلسل الدراجات ولا هي أخر الشهر بس كل الناس بتظهر عشان صرف الرواتب وفين ورئيس الوزراء هشام قنديل ..
اللي مالوش علاقة بأى مطلب من مطالب الثورة فين دوره للأسف مصر دولة الإهمال والمهملين . والشعب المهمش من قبل الحكومة والدولة . مش عارف أقول إيه الكلام كتيروالله يا مصر وانا عن نفسى مش عارف اعمل معاكى ايه وارخص ما فيكى هو دمى ..ما هو يا ربنا يا خدني .. يا ترحمي اللي خلفو أهلي .. ولكن في نهاية الأمر. كل ما هقدر ان أقوله او اعبر عنه هو استيائي لهذا الحادث المؤلم .. رحم الله شهداء حادث قطار أسيوط .
وربنا يا خد المهمل ويريحنا منه .