حورية فرغلي: أشعر بالندم وحلمي اتاخد مني ولو رجع بيا الزمن هتجوز

قالت الفنانة حورية فرغلي إن حلم عمرها بالإنجاب وأن يكون لها طفلة، أصبح مستحيلا، بعد استئصال الرحم، الفترة الأخيرة، بسبب إصابتها بورم منذ سنوات.
وأضافت في حوارها مع برنامج "ET بالعربي": "كان حلمي طول عمري واتاخد مني الأسبوع اللي فات، الحاجة الوحيدة في الدنيا اللي كانت هتفرحني إني أجيب بيبي، كان نفسي أوي أجيب بنت، الحمد لله مؤمنة بقضاء ربنا".
وتابعت حورية "من صغري عارفة إن عندي ورم في الرحم، إنه وراثة وكان لازق في كل حاجة قعدنا خمس ساعات في العملية، والدكتور بعد ما خلص قالي إنها كانت عملية صعبة، حاسة نفسي أحسن بكتير وعندي طاقة لإن الورم كان مأثر عليا".
وأشارت إلى قيامها قبل سنوات بإجراء عملية مشابهة: "مش أول مرة أعمل عملية زي دي، من 13 سنة كان عندي أورام كتير في الرحم 7 أورام، والدكتور قالي عندك 7 سنين تتجوزي وتخلفي فيهم وانتي بتخلفي هشيلك الرحم".
وعن النجوم الذين يسألون عليها، قالت "الناس اللي بتسأل عليا نبيلة عبيد، صفية العمري، ميرفت أمين وصفاء أبو السعود بيكلموني كل يوم مع انهم مشافونيش".
ووجهت نصيحة للبنات "الجمال مش كل حاجة، الناس هتقول أول ما تشوفك واو زي القمر، وبعد ما ياخدوا عليكي هيشوفوكي عادية جدا، اللي بيعيش فعلا تتجوزي ويكون عندك أولاد، دي الحاجة اللي ندمانة عليها، لو رجع بيا الزمن كنت هتجوز، ده اللي هيعيش لي لو حصل لي حاجة مين هياخد باله مني جوزي، معرفش هو فين دلوقتي ان شاء الله يظهر".
يذكر أن أخر أعمال الفنانة حورية فرغلي مسلسل "أيام"، بطولة رياض الخولي، حمدي السيد، شيري عادل، سلوى خطاب، تأليف سماح الحريري، إخراج محمد أسامة.
View this post on Instagram
A post shared by ET بالعربي (@etbilarabi)