كريم العدل يدافع عن منى زكي بسبب "تحت الوصاية": "الناس بتحمل الفن فوق طاقته"

دافع المخرج كريم العدل، عن الفنانة منى زكي ضد الانتقادات التي وجهت لها منذ انتشار صورتها الخاصة بمسلسل "تحت الوصاية" المقرر طرحه في رمضان المقبل.
وأعاد المخرج الشاب نشر كلمات مُتابعة هاجمت فيها الفنانة منى زكي، عبر حسابه الشخصي بموقع التواصل الاجتماعي فيسبوك.
وكتب كريم العدل، منشورًا قال فيه: دي تويتة وقعت قصادي بالصدفة.. بس الموضوع ده غريب جدا والله.
وواصل المخرج كريم العدل: يعني أولًا الجمال ده شيء نسبي.. لو إنتي شايفة أن منى زكي كده وحشة، ف دي رؤيتك إنتي.. أنا ممكن أشوفها حلوة عادي.. هي يا جماعة نيكول كيدمان لما بوظت مناخيرها علشان دور، ولا توم كروز لما طلع بكرش وأصلع، كانوا بيعملوا كده علشان عايزين يقولوا إن فيه فئة معينة شكلها وحش؟.. مش منطق أبدًا والله".
وأضاف كريم العدل: ثانيًا، أنا حقيقي مش فاهم إيه علاقة التعليم بالموضوع عامة، ثالثًا، هل ده معناه إن كل المحجبات قمرات ومافيهومش ولا واحدة وحشة؟، مش منطقي.. وتاني نرجع نقول ده شيء نسبي يختلف من شخص للتاني.
وتابع: رابعًا بقى، منى زكي مسلسلها بنسبة كبيرة عن شخصية حقيقية، وبيحاولوا يقربوا بالشكل.. أصلًا بقى.. بجد الناس بقت بتحمل الفن والدراما فوق طاقته.
واختتم كريم العدل منشوره قائلاً: "وبياخدوا كل حاجة بشكل شخصي جدًا.. وطول الوقت عندهم نظرية المؤامرة، وكل واحد ولا واحدة يطلع يقول لك الكلمة اللذيذة بتاعة السم في العسل.. استهدوا بالله كده يا جماعة بجد.
وكانت وجهت إحدى متابعت منصات تويتر انتقاد لمنى زكي، جاء فيه: "عايزة اقول لمنى زكي إني بالحجاب أحلى بكتير من قبل الحجاب، لأن الحجاب بيدي نور للوجه وراحة نفسية".
وخلال الأيام الماضية، تصدر اسم الفنانة منى زكي تريند محرك البحث جوجل ومواقع التواصل الاجتماعي، بمجرد نشر البوستر الرسمي الأول لمسلسلها الجديد "تحت الوصاية" المقرر عرضه بموسم المسلسلات لرمضان 2023، وتداول رواد السوشيال ميديا منشوراً يكاد يكون موحداً للتعليق على ظهور منى زكي بالحجاب ووجه مجهد يخلو من ملامح الجمال، وأكد المنشور أن المسلسل مكرس للهجوم على المحجبات، وأن منى زكي ستخلعه في النهاية.