تتصدر التريند..عارفة عبد الرسول: "أنا من جيل المايوهات تصغر أبويا يجيبلي غيرها"

تصدر اسم الفنانة عارفة عبد الرسول، تريند محرك البحث "جوجل"، بعد تصريحاتها الأخيرة مع الإعلامية ياسمين عز ببرنامج "كلام الناس"، عبر فضائية MBC مصر.
وتحدثت "عارفة" عن رأيها حول تصدرها التريند في وقت سابق عام 2020 بسبب نشر صورتها بالمايوه عبر حسابها على "فيسبوك"، وتعرضها لهجوم من قبل المتابعين.
وقالت عارفة عبدالرسول: "أنا ساعات بكتب حاجة ببساطة وبطبيعتي وآلاقي الحكاية اتحولت تريند، أنا إسكندرانية وكل صيف لازم أنزل البحر، ولو عدى صيف منزلتش البحر يجيلي اكتئاب".
وتابعت: "الصورة دي مكنتش نزلت البحر خالص وكان عندي شغل، جماعة أصحابي خطفوني ودوني العين السخنة، وكنت فرحانة أوي ومنزلة الصورة وأنا في غاية السعادة، وكتبت "لاقيت الطبطبة".
وتحدثت عارفة عبد الرسول عن التعليقات السلبية التي فوجئت بها، وقالت: "لاقيت ناس تقولي يا ولية يا عجوزة اتلمي، وواحد يقولي مش مكسوفة على دمك ولابسة بكيني.. ومفيش بكيني أصلاً اللي باين كتافي.. وقعدوا ينصحوني اشيلها.. ومكنتش متوقعة رد الفعل العنيف ده".
وأشارت "عبد الرسول" إلى علاقتها بالمايوه، وقناعتها الخاصة به كزي يتناسب مع البحر، قائلة: "أنا جاية من جيل المايوهات تصغر علينا أبويا يجيبلنا مايوهات غيرها أكبر، وكنا نضحك على أي حد نازل بجلابية أو بنطلون.. بحر يعني مايوه".
وأضافت: "وأنا صغيرة أوي كنت بلبس بكيني ولما كبرت شوية بلبس قطعة واحدة وأنا دلوقتي ممكن ألبس الشورت اللي عامل زي البيبي دول.. معرفش اسمه إيه.. يعني براعي حسب السن والجسم.. ولكل واحد له قناعاته أنا مش بفرض رأيي على حد لكن شايفة لكل مقام مقال، الأوبرا فورمال، الصبح كاجوال، والبحر يعني مايوه".