«عارفة عبد الرسول»: اشتغلت كوافيرة في محل والدي ..ولكني فشلت

بعد تصدرها الترند.. ننشر أبرز 10 تصريحات لها مع ياسمين عز

تصدر الفنانة عارفة عبد الرسول ، تريند محركات البحث على جوجل، خلال حوارها مع ياسمين عز، في برنامج كلام الناس، المُذاع عبر شاشة إم بي سي مصر وتحدثت الفنانة عارفة عبد الرسول عن العديد من أسرار حياتها الشخصية لأول مرة .
وترصد "بوابة أخبار اليوم"، في السطور التالية أهم وأبرز 10 تصريحات ل عارفة عبد الرسول خلال الحلقة:
أنا بسيطة وبطبيعتي ومن إسكندرية واتعودت أنزل البحر وإلا هيجي لي اكتئاب.
نزلت صورتي بالمايوه وكنت في منتهى السعادة واللي باين كتف بس.
بيقولوا لي يا ولية يا عجوزة اتلمي إزاي تلبسي بكيني، هو فين البكيني ده؟.
أنا من جيل المايوهات، زمان لما كانت بتصغر علينا أبويا كان بيجبلنا مايوهات أكبر، وبنضحك على أي حد نازل البحر ب جلابية وبنطلون.
كنت بلبس بكيني وأنا صغيرة ولما كبرت بقيت ألبس قطعة واحدة، وحاليًا بلبس شورت بيبي دول.. شايفة بحر يعني مايوه.
ممكن ألبس بوركيني بدون حجاب.
اشتغلت مع والدي في محل بقالة في إسكندرية قبل دخولي الوسط الفني.
والدي فتح محل كوافير واشتغلت كوافيرة، ولكني فشلت لأننا في وسط سوق شعبي.
أنا متزوجة بقالي 44 سنة، والفترة دي مكانتش سهلة، وكان عندنا مشاكل وصعوبات وكفاح، ولكننا كنا صحاب قبل ما نبقى زوجين، وأكيد فيه خناقات بيننا ولكن بنتصالح ب فنجان قهوة.
لو جوزي شاف وحدة جميلة وقالي بقوله.. فعلًا دي جميلة.. مفيش بينا غيرة.
إحنا في مجال عادي نسلم ونبوس بعض ولكن مينفعش نطول في النظرة ولا السلام لأني بحس ساعتها إن فيه حاجة غلط.
بربي ولادي على التعاون والحب، وعمري ما فرقت بينهم، ولما عرفت إن فيه حاجة اسمها هبة؛ وهبت الميراث ليهم وأنا عايشة، ومش قصدي أخالف الشرع لكن عايزة أساوي بينهم النص بالنص.