تامر حسني: الكلمة السامة ممكن تموت أجيال

نشر النجم تامر حسني، مقطع فيديو من فيلمه "مش أنا"، على صفحته الرسمية بموقع التواصل الاجتماعي انستجرام.
وكتب منشور جاء فيه: "مساء العسليات على الكل، المشهد ده فيه رسالة جميلة أحياناً ممكن يبقى ليك صديق أو ليكي صديقة مريضة أو تعبانة أو في حاجة فيها تضايقها.. نحاول أن احنا عمرنا ما نسخر من حاجة في حد هو مالوش ذنب فيها خلقة ربنا أو ابتلاء لأن الشخص دا أصلاً نفسياً مع نفسه اللي فيه مكفيه.. لو كان ربنا كاتب أن احنا اللي نبقى حواليه فأكيد عشان نشجعه ومايقفش عند الموضوع دا، ويعرف أن فيه ناس عندها أكتر منه حاجات لا تحتمل وقدروا مايشوفوش غير كل ما هو إيجابي وعرفوا يتصالحوا مع نفسهم ويبقى عندهم رضا من الدرجة الأولى ويحمدوا ربنا على ده ويفهموا أنه ابتلاء أو اختيار له مكاسب أكبر وأكتر من اللي معندوش".
وتابع: "الشاطر بس اللي يفهم كده ودا دور الأصحاب الطيبين اللي ربنا ممكن يجازيهم خير مكانوش يحلموا بيه بسبب الدعم النفسي لغيرهم بسبب الكلمة الحلوة".
ووصف الفنان ماجد الكدواني أنه "من أطيب وأنضف القلوب"، ودوره في الفيلم والمشهد هو تمثيل فقط.
واختتم منشوره قائلاً: "والله يا جماعة الكلمة الحلوة ممكن تساهم في إن شخص ينجح وشخص يفشل.. الكلمة الحلوة ممكن تدي أمل عظيم للحياة .. تخيلوا الرصاصة بتموت شخص لكن الكلمة السامة المحبطة اللي ممكن تلوث فكر وتبوظ عقل جميل ممكن تموت أجيال، ويومكم جميل إن شاء الله".
وكانت منصة watch it أعلنت عن عرض فيلم "مش أنا" للفنان تامر حسني، اليوم الاثنين 19 ديسمبر، ضمن خطتها لإطلاق عدد كبير من الأعمال الجديدة التي تعرض حصرياً على المنصة.
View this post on Instagram
A post shared by Tamer Hosny (@tamerhosny)
اقرأ أيضا:
أحمد حاتم في برومو "المطاريد": "حسن شحاتة مكانش يعرف يجمع الفرقة دي"
رامي عياش يستقبل مولود جديد.. تعرف على جنسه واسمه
بعد دعوات إلغائه.. أول تعليق من منظمي حفل سعد لمجرد بشرم الشيخ (خاص)