"نظرتي للحياة تغيرت بعد وفاة بنتي"..أبرز تصريحات باسم سمرة في"حبر سري"

تحدث الفنان باسم سمرة، عن تفاصيل عديدة بحياته الشخصية والفنية التي تطرق فيها للحديث عن عدد من النجوم محمد هنيدي ومحمد رمضان ونيللي كريم ، بالإضافة إلى الشخصية التي يتمنى تجسيدها.
ونستعرض لكم أبرز ما قاله باسم سمرة ببرنامج "حبر سري"، في السطور التالية:
- "نفسي أعمل شخصية تاريخية وهي محمد نجيب".
-"عملت قبل كده عبد الحكيم عامر والراجل ده اتظلم والتاريخ أنصفه لما تعمل قاعدة باسمه من أكبر القواعد العسكرية في مصر".
- قال باسم سمرة إنه يُفضل تمثيل كوميديا الموقف وينقصه العلاقات والذكاء الاجتماعي للظهور بشكل أكبر.
- "مفيش أدوار بتتفصل عليا وفي ناس بيتعمل لها أدوار مخصوصة وأفلام تتعمل لناس معينة وتتصرف عليها كتير وينقصني العلاقات والذكاء الاجتماعي.
- "عندي علاقات ولكن مش بعرف استغلها وعمري ما برفع سماعة التليفون وأكلم حد على دور".
- "عمري ما قلت إن فيه مؤامرات ضدي في الوسط الفني واللي مش مصلحته اني أطلع هو اللي موهبته قليلة ويخاف اني أظهر أخد منه الليلة".
- "نظرتي للحياة تغيرت بعد وفاة بنتي والبهجة والسعادة معدتش موجودة والحزن وجعه مش بيخلص".
- "عندي بنتين ب 100 راجل والبنات حنينة على أبوهم ورزقهم واسع، وأتمنى في زوج بناتي يكون حنين ويتقي الله في البنت عشان لو معملش كده هطلع عينه".
- "نيللي كريم مكنتش عارفة تقول كلمتين في مسلسل ذات وأنا مش ليا فضل عليها، ولكن كنت أنا وانتصار منطلقين انطلاقة عظيمة".
- "نيللي بتشتغل على نفسها وبعدين بقت نجمة جميلة".
- "لو الورق والمخرج متوفر كويس هبقى أنا في أمان".
- أعرب باسم سمرة عن حبه الكبير للنجم محمد هنيدي وأنه يعتبره ملك الكوميديا في مصر.
- "محمد رمضان أخويا الصغير وعنده مشاكل كتير ولكن هو موهوب جدا ولو ركز هيبقى أحلى وأحلى ويكون نجم عالمي".
- "محمد رمضان قدم مسلسلات وأفلام عظيمة ولا يوجد ما يمنعه من الافصاح عن موهبته، وله موهبته الخاصة".
- "رفضت دور جمال عبد الناصر وقدمه الفنان السوري جمال سليمان وهو أستاذ كبير ولكن اللهجة إن عبد الناصر يطلع سوري كانت كارثة".
ويخوض باسم سمرة دراما رمضان 2023 بمسلسل "بطن الحوت" ويشاركه البطولة محمد فراج، أسماء أبو اليزيد، عبد العزيز مخيون، تأليف وإخراج أحمد فوزي صالح.
يذكر أن، آخر أعمال باسم سمرة أفلام "أشباح أوروبا، عمهم، لعبة شيطان".
كما شارك باسم سمرة مؤخرًا في مسلسل "منعطف خطر"، بطولة محمد علاء وسمر مرسى، باسم سمرة، ريهام عبد الغفور، آدم الشرقاوي، سلمى أبو ضيف، أحمد صيام.