رسائل الحلقة الثانية من "الاختيار 3".. جيش الشعب.. وتلاعب الإخوان بالسلفيين

عرضت أمس على شاشة (أون) الحلقة الثانية من مسلسل "الاختيار 3"، والتي وجهت عددا من الرسائل أبرزها:
رسالة الجيش والسيسي لمرسي
خلال عرض عسكري شهده الرئيس المعزول محمد مرسي، ووزير الدفاع وقتها الفريق عبدالفتاح السيسي، قال الأول إنه علم بأمر لقاء القيادي الإخواني خيرت الشاطر بوزير الدفاع.
ليرد "السيسي" قائلا: "ده جيش مصر يا فندم، جيش مصر وجيشك طول ما حضرتك مع الشعب، وطول مالشعب معاك الجيش ده عمره ما هيبقى ضدك".
ورد "مرسي": "تقصد إيه يا سيادة الفريق"، ليرد الفريق السيسي: "ده ردي يا فندم على كل اللي حصل الأسبوع اللي فات وعلى زيارة المهندس خيرت".
فخر الانتماء للمؤسسة العسكرية
في اجتماع للفريق عبدالفتاح السيسي وزير الدفاع، مع مدير مكتبه اللواء عباس كامل، قال السيسي: "أهم من الإمكانيات الروح المعنوية عند الضباط والجنود، طريقة المعاملة لازم تكون في منتهى الاحترام والحب".
وشدد وزير الدفاع وقتها: "اللي بكسر نفسه وبهينه عمره أبدا ما هيبقى مقاتل، لازم أخليه يحس بالفخر إنه جندي في الجيش المصري".
حق الشهداء
تعليقا على حادث شهداء رفح، قال الفريق عبدالفتاح السيسي وزير الدفاع في لقاء مع مجموعة من أهالي سيناء: "اللي حصل في رفح ده غدر ودم شهداء القوات المسلحة غالي أوي، وهناخد حقهم من اللي عمل كده سواء هنا أو في أي حتة تانية ".
كشف حقيقة الإخوان
في مشهد يظهر فيه المقدم زكريا يونس، مع أحد قيادات الأمن الوطني، الذي قال له: "إنت مش متخيل الإخوان ناويين يعملوا إيه في البلد، اللي ناويين يعملوه أكتر بكتير من اللي بيعملوه دلوقتي".
ليرد زكريا: "احنا أكتر ناس عارفينهم ، وهنفضل طول الوقت بنكشفهم قدام الناس لحد ما يعرفوا حقيقتهم".
استغلال الإخوان للسلفيين
أذاعت الحلقة فيديو للقاء جمع مرشد الإخوان محمد البديع، ومحمد مرسي العياط والقيادي خيرت الشاطر. فيديو اللقاء دار حول غضب الجماعة من إعلان السلفي حازم صلاح أبو إسماعيل ترشيحه رئيساً للجمهورية، وكان اللقاء يدور حول آلية تعامل الجماعة مع السلفيين بعد تلك الخطوة.
خلال اللقاء قال خيرت الشاطر أنه دفع بالسلفيين العقلاء عن طريق الأصدقاء المشتركين لإقناع حازم صلاح أبو إسماعيل بالتزام الهدوء وإفهامه أنه طبقاً للقانون لا يجوز ترشحه لأن والدته تتمتع بجنسية أجنبية.
ليرد مرشد الإخوان محمد بديع خلال اللقاء قائلا:" أنا عارف السلفيين كويس أكتر من أي حد إحنا عاشرناهم قبل السجون وأثناء السجون وبعد السجن، فهم ليسوا يداً واحده أو اتجاه واحد، شراذم وقيادتهم لا تملك الأمر إلا على المجموعة اللي معاهم فقط، وأساءوا للإسلام".
خيرت الشاطر استكمل حديثة خلال اللقاء في سكوت تام لمحمد مرسي العياط قائلا:" بزرع ناس في وسطهم وبتابع كل تفاصيلهم ولما بلاقي معلومة بكلم أمن الدولة".
كما تضمنت الحلقة تسجيلا يكشف رغبة الإخوان في خطب ود السلفيين وامتصاص غضبهم بعد وصول مرسي للحكم وخروجهم خاليي الوفاض. ودفع خيرت الشاطر لمحمد مرسي لخطب ودهم عبر دعوتهم لحضور الاحتفال بانتصار أكتوبر.
وينتقل المشهد إلى استاد القاهرة يوم 6 أكتوبر 2012 وعرض مشاهد حقيقية لاحتفال مرسى وجماعته بذكرى نصر أكتوبر، فى حين يدور حوار السيسي وعباس كامل عن غضب الجيش من احتفالات مرسي وأعوانه بذكرى أكتوبر متجاهلين قيادات الجيش.