بالصور| الباجوري: "الممثل اللي يفكر بمساحة مش هشتغل معاه".. ومؤلف "قمر 14": لا علاقة للفيلم ب"هيبتا"

تصوير- علاء أحمد:
نظم مهرجان الجونة السينمائي، على هامش فعاليات دورته الخامسة، مؤتمرا صحفيا لصناع فيلم "قمر 14" المعروض ضمن برنامج الاختيار الرسمي خارج المسابقة.
شهد المؤتمر حضور مؤلف العمل محمود زهران، المخرج هادي الباجوري، والأبطال أحمد الفيشاوي، ياسمين رئيس، خالد أنور، أحمد مالك، مي الغيطي، فيما غاب: خالد النبوي، أحمد حاتم، وشيرين رضا.
وقال الباجوري "قمر 14 من الافلام السهلة مشتغلتش على السيناريو كتير اوي، محمود زهران كاتب حاجة حلوة كان اشتغل معايا كمساعد اخراج، وقالي انا معايا فيلم، وكان كاتي حاجة حلوة أوي وبعدين كتب جارة القمر".
وتابع "الشخصيات واضحة اوي وكنت عارق عايز أجيب مين، وتحضير الفيلم بسيط وسلس، الفيلم التاني اشتغلنا عليه كتير اوي ولسه مخلصش"، لافتا أنه لأول مرة يرسل النسخة الثانية من السيناريو للممثلين عاذة يحتاج الامر عدة تعديلات ويرسل النسخة السبعة "حبيته من أول ما قريته وأسرع فيلم دخلناه ننفذه واسرع فيلم خلص".
وتما يحكي عنه الفيلم قال "بيتكلم عن حاجتين داخلين في بعض ازاي الحاجات دي بتأثر في العلاقات والحب اللي له علاقة بالدين والسن والطبقات الاجتماعية،
وعن ليه لما قمر 14 بيكون كامل زي ما بيأثر على البحر والرياح واحنا جزء من الطبيعة فبيأثر علينا نفسنا، هل في ليلة زي دي ممكن قرارتك تختلف والليلة تأثر عليك".
واختتم "حدوته بسيطة رسالته بسيطة مش مقتنع ان لكل فيلم رسالة، بس هنا بنقول للناس خلوكم في حالكم".
أما مؤلف الفيلم فقال "هيبتا مش المرجع بتاع الفيلم ده موضوع وده موضوع المشترك اللي النوع اللي بينتموا ليه، وهو الرومانسية".
وتعليقا على المساحة التي يظهر فيها كل بطل، أوضح " الممثل مش بيفكر كده لو بيفكر كده مش عايز اشتغل معاه أصلا، لو مش حابب الفيلم والموضوع وبيؤمن باللي بيقدمه مش حابب اشتغل معاه".
"قمر 14" بطولة خالد النبوي، شيرين رضا، غادة عادل، خالد أنور، أحمد حاتم، أحمد الفيشاوي، ياسمين رئيس، بيومي فؤاد، أسماء أبو اليزيد، أحمد بدير، محمد جمعة.