"ممكن أبطل تمثيل".. عمرو عبدالجليل: "نفسي أعيش حياة بدائية"- فيديو

قال الفنان عمرو عبدالجليل: "زمان كنت رغاي جدًا بس دلوقتي الوضع اتغير والخبرة والفكر والمعلومات اللي بتاخدها والمعاني اللي بتفهمها، كتر الكلام مش حلو وزمان كنت فاكره حلو وكان ممكن طول أي قعدة محدش يتكلم غيري، ودلوقتي مبقتش بتكلم كتير".
وأضاف "عبدالجليل" في حواره لبرنامج "سهرانين" على فضائية "أون إي" اليوم الأربعاء: "أنا ممكن أعيش في حتة أرض وأربي فيها بطتين ووزتين وأعيش الحياة البدائية اللطيفة بعيدًا عن الموبايل والنت والحياة ووصخبها، أنا بفضل الحياة دي، وممكن أبطل تمثيل، مؤكدًا: "كان نفسي من وأنا صغير أمثل وخلاص حققت الأمنية دي وفي أماني تانية والحياة مش هتقف عند أمنية واحدة".
وتابع: "سهل أسيب التمثيل وأقدر أعمل دا، لأني قعدت فترة كبيرة من غير شغل مش بمزاجي وكان نفسي اشتغل وكنت مبشتغلش والحياة كانت ماشية عادي"، موضحًا: "كنت حابب الشغل لما جالي شغل والدنيا مشيت".