علقت بسمة بشاي، على تصديها لواقعة تحرش في المطار وحبس المتحرش لمدة 4 أيام على ذمة التحقيقات، قائلة: "بسمة النهارده عندها أحاسيس متلغبطة وحاسة بانتصار مش طبيعي وأن الدولة في ضهري وأن أتاخد حقي فعلًا وحق البنات اللي بعدي بيها". وأضافت "بسمة" في حوارها لبرنامج "يحدث في مصر" على فضائية "إم بي سي مصر" اليوم الأربعاء: "أن واقعة التحرش في المطار جعلتني في حالة انهيار وقولت لكل اللي كان في الأوضة محدش شاف الراجل وهو بيمد أيده عليا والكل كان بيدعوني أني أهدأ وبيقولولي أن مفيش سبب للانفعال لأن المتحرش مصورنيش أنا". وتابعت: "بعد ما عملت الفيديو حسيت أني منهارة لأني حسيت أني مظلومة جدًا وجالي شخص محترم وطالبني بالرجوع لبيتي وقالي أن المتحرش هيترفد انتي عايزة أيه تاني، ولكني قولتله إني مش ماشي إلا لما المتحرش يتكلبش لأنه مش طبيعي، وأنا كنت محتاجه أحس بأمل من النظام إداريًا وعلى المستوى القانوني". وأردفت بسمة بشاي مصورة فيديو المطار: روحت أدليت بأقوالي في النيابة من 9 الصبح وحتى 7 مساءً".