حرص الفنان كريم فهمي، على توجيه رسالة إلى أبطال وصناع مسلسل "ونحب تاني ليه" عقب انتهاء تصوير جميع مشاهد العمل. وكتب كريم، عبر حسابه على انستجرام، قائلا : "حقيقي أنا بحب المسلسل ده، ومع آخر يوم.. أحب أشكر كل حد اشتغلت معاه من جميع الأقسام وكل الممثلين على رأسهم ياسمين عبد العزيز أختي وصديقتي الجدعة اللي مهما اتكلمت عليها مش هوفيها حقها، والأستاذ شريف منير اللي كان ليا الشرف إني أقف قدامه وهو قيمة كبيرة جدا وكل الممثلين بجد أنا حبيتهم جدا جدا ". "شكرا عمرو محمود ياسين صاحبي المؤلف الشاطر أوي اللي بيحب شغله وسبب أساسي في نجاح العمل، والمخرج طبعا مصطفي فكري الشاطر اللي مريحنا نفسيا واحنا قدام الكاميرا، ومدير التصوير العالمي أخويا زيتون تسلم إيدك ومهندس الديكور تامر والمونتير الجامد أوي عمرو عاصم، وطبعا دنيا عبد المعبود الاستايلست الجامدة أوي ومهندس الصوت محمد وطبعا طبعا سينيرجي شركة الإنتاج، بجد بحب الكرو ده جدا جدا ، الكلام ده من قلبي.. شكرا ليكوا". مسلسل "ونحب تاني ليه" يعرض على قناة CBC، وCBC دراما بطولة ياسمين عبد العزيز، سوسن بدر، كريم فهمي، شريف منير، تارا عماد، عماد رشاد، أحمد سعيد عبدالغني، سمر مرسي، تأليف عمرو محمود يس، إخراج مصطفى فكري، ومن إنتاج شركة سينرجي للإنتاج الفني.
