كريم فهمي يعلن إنتهاء تصوير "ونحب تانى ليه"وهذه رسالته لفريق العمل

أعلن الفنان كريم فهمي أنه أنتهي من تصوير جميع مشاهده في مسلسل "ونحب تانى ليه" الذي يعرض حالياً على الشاشات، معربًا عن سعادته بالمشاركة في هذا المسلسل وحرص أن يوجه رسالة وشكر وتقدير لفريق العمل بأكمله.
حيث كتب قائلاً: "حقيقي أنا بحب المسلسل ده و مع آخر يوم أحب أشكر كل حد اشتغلت معاه من جميع الاقسام وكل الممثلين علي رأسهم ياسمين عبد العزيز أختي وصديقتي الجدعة اللي مهما اتكلمت عليها مش هوفيها حقها والأستاذ شريف منير اللي كان ليا الشرف إني أقف قدامه وهو قيمة كبيرة جداً".
وأضاف: "كل الممثلين بجد أنا حبيتهم جدآ جدآ وشكراً عمرو محمود ياسين صاحبي المؤلف الشاطر أوي اللي بيحب شغله وسبب أساسي في نجاح العمل والمخرج طبعاً مصطفي فكري الشاطر اللي مريحنا نفسيا وأحنا قدام الكاميرا ".
وتابع :"ومدير التصوير العالمي اخويا زيتون تسلم ايدك ومهندس الديكور تامر والمونتير الجامد اوي عمرو عاصم وطبعاً دنيا عبد المعبود الاستايلست الجامده اوي ومهندس الصوت محمد وطبعاً طبعاً سينيرجي شركة الانتاج بجد بحب الكرو ده جداً جداً الكلام ده من قلبي شكرا ليكو كلكوا".
يذكر أن مسلسل يشارك في بطولته نخبة كبيرة من نجوم الفن منهم ياسمين عبد العزيز، شريف منير، سوسن بدر، كريم فهمى، شريف منير، تارا عماد، عماد رشاد، أحمد سعيد عبد الغنى، سمر مرسى، تأليف عمرو محمود يس، اخراج مصطفى فكري.