إشادت على تويتر بدور ياسمين عبد العزيز في مسلسل ونحب تاني ليه

أشاد رواد موقع التواصل الاجتماعي "تويتر" في مصر بمسلسل "ونحب تاني ليه" وبأداء الفنانة ياسمين عبد العزيز و
الفنان كريم فهمي، وأصبح أيضًا المسلسل ضمن الأكثر بحثًا في موقع جوجل، حيث بحث عن الحلقة التاسعة ألفين مستخدم.
فكتب إيناس "نركز مع ياسمين عبد العزيز يا جماعة ،جمالها قمة فى الرقى والبساطة ،تمثيلها طبيعى وتلقائى وبتعرف تلبس اللى يناسبها و يناسب ادوارها وتعرف تطلع من غير مكياج فى اى مشهد بكل ثقة، وصلت بعد سنين من الاعمال الحلوة ،خطوه خطوه مش صعود مفاجئ، دورها ف مسلسل ونحب تاني ليه رائع جداً بجد ".
كتب أخر"اتفرجوا على ونحب تاني ليه عشان إيمان السيد مع ياسمين عبد العزيز و
ليلى عز العرب، سكر بجد".
حكيم قال "مسلسل ونحب تانى ليه احلى مسلسل فى رمضان ولو مكنش كريم فهمى فيه مكنش هيبقى حلو كده".
كارمن قالت "المسلسل حلو أوى مفيهوش عقد او حاجات خارجة جميل أوى بجد ياسمين عبدالعزيز بسيطة اوى و روحها حلوة ضايفة جمال مش طبيعى على الشخصية ، كريم فهمى طول عمره بصراحة جميل، وسلس كده و هو بيمثل مش اوفر ولا مصطنع جميل أوى، بستنى الحلقة كل يوم".
اقرأ أيضًا.. فيديو.. صدمة ياسمين عبد العزيز بعد اكتشافها خطبة كريم فهمي لصديقتها
نور كتبت "هو انا ينفع اقول اني بتفرج على مسلسل" ونحب تاني ليه" ومنشكحة أوي من علاقة الحب اللي بين كريم فهمي وياسمين عبدالعزيز من غير ماحد يزعقلي".
سلمى كتبت "هو لو ضامنين بس انه هيبقى كريم فهمى او زيه فاحنا هنحب تانى و تالت و رابع و خامس من غير ليه والله".
يارا "البساطة اللي كريم فهمي و ياسمين عبدالعزيز فيها هما اللي مخلين المسلسل حلو وتبقي قاعد مستمتع ولا عاوزه المسلسل يخلص ولا عاوزهم يطلعوا فاصل حتي حقيقي مسلسل ونحب تاني ليه من افضل مسلسلات السنادي".
والجدير بالذكر فأن مسلسل "ونحب تاني ليه" بطولة ياسمين عبد العزيز ، سوسن بدر ، كريم فهمي ، شريف منير ، تارا عماد ، عماد رشاد ، احمد سعيد عبد الغني ، سمر مرسي ، تأليف عمرو محمود يس ، اخراج مصطفي فكري ، ومن انتاج شركة سينرجي للإنتاج الفني .