سما المصري عن أزماتها مع النجوم: "اعتذرت لمرتضى منصور عشان ماتحبسش" (تسجيل صوتي)

كتب- محمد الصاوي ومنال الجيوشي:
قالت الفنانة سما المصري، إن المعارك الكلامية والمشادات التي حدثت مع نجوم المجتمع جاءت بسبب مهاجمتهم لها بدون مبرر وإهانتها عبر شاشات التلفاز ومواقع التواصل الاجتماعي، مشيرة إلى أنها اعتذرت فقط لرئيس نادي الزمالك مرتضى منصور.
وتابعت "سما" في تصريحات خاصة لمصراوي: " كل اللي عملت معهم معارك هم اللي ابتدوا الأول.... كانوا بشتموني قدام الناس.. بينهشو لحمي.. فكان لازم أرد عليهم الشتيمة بشتيمة".
واستدركت قائلة: "كل الللي عملت معاهم مشاكل هما اللي ابتدوا الأول زي تامر أمين وكذلك ريهام سعيد.. ندمانة على ردي العنيف معاهم بس مش عشانهم.. لكن عشان ضميري بيأنبني؛ وعايزة انضف وارتاح".
وأكدت الفنانة سما المصري، أنها لن تعتذر عن أفعالها الماضية وأزماتها مع نجوم المجتمع بعد إعلان توبتها، وقالت: "هم اللي شتموني الأول، ومش ندمانة على مهاجمة شخص بعينه، ولكن من عنف الرد والنقد اللاذع اللي رديت بيه على المهاجمين".
وتابعت:"معتذرتش لحد قبل كده إلا مرتضى منصور.. وده كان لأني أنا اللي افتعلت الأزمة معه بعد نشر أغنية ساخرة عنه، وعشان كان هيحبسني.. لكن مش هعتذر لحد تاني".
كانت سما المصري، أعلنت قرارها التوبة اليوم عبر صفحتها على إنستجرام، وهو ما شكك فيه بعض متابعيها قائلين: "إنتِ بتحوري ولو ناوية تقفلي حسابك على طول مش مجرد كلام"، "إنتِ بتستغلي الناس ولا إيه"، و"امسحي كل حاجة".
وسبق أن أثارت سما الجدل مرات عديدة، أبرزها عندما تحدثت عن اعتزامها تقديم برنامج ديني، كما ظهرت في مجموعة من الصور من قبل وهي ترتدي إسدال الصلاة.
ودخلت في سجالات كلامية مع رئيس نادي الزمالك المستشار مرتضى منصور، والإعلامي تامر أمين.