أحمد حمودي عن الزمالك: مفيش احترام ولا تقدير

أبدى أحمد حمودي، صانع ألعاب الزمالك، استياءه بسبب استبعاده بشكل مستمر من مباريات فريقه المحلية والإفريقية، في الفترة الماضية.
وكتب حمودي عبر حسابه الرسمي على تويتر: "أحب أقول للناس اللي بتقولي اصبر واستنى زي طارق حامد وأحمد دويدار، وهتاخد فرصتك، أنا مشكلتي في الإصابة هي اللي كانت بعداني مش المشكلة في المدرب لأن هو اللي طلب التعاقد معي".
وتابع: "بالنسبة إني كنت مبسوط فده مالوش علاقة بإني بلعب ولا لأ، دي ليها علاقة بإني بحترم الناس، وفي المقابل مفيش احترام ولا تقدير".
واختتم: "أنا موجود في الزمالك عشان الجمهور اللي حبني واحترمني من قبل ما آجي النادي".
وكانت أنباء ترددت عن طلب اللاعب الرحيل عن الزمالك بسبب عدم المشاركة أساسيا مع فريقه، وانضم حمودي إلى صفوف الزمالك في موسم الانتقالات الصيفية الماضي قادما من بازل السويسري.