صور محافظ الإسكندرية مع زوجته تثير جدلًا بين مستخدمي فيسبوك

تداول مستخدمو مواقع التواصل الاجتماعي ''فيسبوك وتويتر''، صورًا لمحافظ الاسكندرية الجديد الدكتور يوسف المسيري برفقة زوجته على مائدة الطعام، وأثارت تلك الصور جدلًا واسعاً بين المستخدمين، ما بين ساخر ومدين لانتهاك الحياة الخاصة للمحافظ.
حيث قال ''ngomi''
''زوجة محافظ الاسكندرية الجديد..بعد ما شافت التعليقات من البنات والستات..وصور جوزها اللي انتشرت بقالها يومين على النت..راحت منزلة صورتهم ف البيت، صحيح إن كيدهن عظيم''.
وأضافت Heba Saied
''يازوجة المحافظ الجديد عيب تضيعي هبة زوجك كدا انتي بتغيظي مين دا انت اللي اتغاظتي خاليكي واثقة فنفسك وفجوزك شوية طب لو متجوزة رئيس الجمهورية وخلاص سبتي مشاكل مصر وبصة على اللي بيعلقو على صورته والله تفاهة وقلة عقل ودين كدا في ناس مش حتختاره بسببك ياما حنشوف حسبي الله ونعمة الوكيل''.
واستنكرت ''Mayar Osama''
''مش هقول إن شكلها استغفر الله ولا هقول انه شبه توم كروز فالصورة دي، بطلو تفاهه بقى ياجدعان وفكروا في هو ممكن يعمل ايه لاسكندرية، وهيفيدنا فعلا ولا هيكون زي المحافظ اللي فات الله يخرب بيته''.
وكان الدكتور يوسف هاني المسيري، حلف اليمين الدستوري أمام الرئيس عبد الفتاح السيسي لشغل منصب محافظ الاسكندرية، بدلا من اللواء طارق المهدي، في حركة لتغيير 17 محافظاً على مستوى الجمهورية.