بالفيديو.. المخترع الصغير يغازل مصر باكتشاف جديد

قال عبد الله عاصم، الملقب بالمخترع المصري الصغير، إنه قام بتفعيل نظام إفتراضي لمشاهدة أهرام الجيزة عن بُعد، كنوع من تنشيط السياحة المصرية وجذب السياح لها، من خلال تكنولوجيا حديثة، علي حد قوله .
وأضاف المخترع الصغير عبر حسابه الشخصي علي موقع التواصل الاجتماعي'' فيسبوك'' اليوم الاثنين، أن '' من المشاريع الى كنا شغالين عليها هيا نظام واقع افتراضى لاهرامات الجيزة بمعنى انك بتكون كانك فى المكان بتاع الاهرامات بالظبط وشايف كل حاجة حواليك الارض والسماء والاهرامات التلاته وابو الهول وبعد كده ممكن تركز على هرم منهم وتنزل تدخل جواه وتتفرج على كل التفاصيل لحد ما توصل للمومياء بتاعة الفرعون كانك فى المكان بالظبط بس زيادة على كل كده انك تقدر تطير فى المكان''.
وتابع قائلا :'' ناس كتير هتسأل الموضوع ده هيفيد بايه ؟ احنا دلوقت السياحة عندنا ضعيفة لظروف البلد لما احنا نقدملهم وسيلة تعيشهم فى مصر وتخليهم يشوفو الاثار والموضوع مش متوقف بس على الاهرمات ممكن المعابد وحاجات كتير جدا والموضوع هيبقى مربح بشكل كبير اوى التجربة دى اتبنت على فيديوهات سابقة والاستعانه google maps v3 وبكده بنقدم تكنولوجيا حديثة ومستمرة لكل الناس الى نفسها تزور مصر ''.
وكان تم أعتقال المخترع الصغير البالغ من العمر 17 عاماً، على ذمة تهمة التحريض عبر شبكة موقع التواصل الاجتماعي ''فيسبوك'' بحرق سيارات الشرطة، و تم منعه من السفر، ولكن قررت وزارة الداخلية الافراج عنه والسماح له بالسفر للمشاركة في مسابقة ''إنتل'' العالمية، لكن بعد سفره رفض العودة وصرح بأنه إذا عاد إلى مصر سيتم اعتقاله ولن يكون لديه مستقبل، وأنه من الأفضل له البقاء في الولايات المتحدة الأمريكية لأنها دولة تحترم حقوق الإنسان - على حد قوله.
لمشاهدة الفيديو اضغط هنا