رسالة من شرطي: ''مش هموت مرتين''

تلقى ''مصراوي'' رسالة من أمين شرطة بقطاع الأمن المركزي، يتوعد فيها المجرمين، وأنهم (رجال الشرطة) لايخشون الموت، بل إن الموت من أجل الوطن ''شرف''، مثلما ناله الكثير من رجال الشرطة، أخرهم النقيب كريم وجيه في بورسعيد.

وجاء في الرسالة التي تلقيناها من الأمين محمد عمرو وحملت عنوان ''رسالة للمجرمين'': ''أنا الشرطي.. أنا مش هموت مرتين وموتي علشان بلدي شرف ليا ليوم الدين.. هموت بطل زي النقيب كريم وجيه والبلكي والأمين أيمن والمجند حسين.. أنا نازل الخدمة ورافع لربي اليدين.. أموت شهيد واسكن في الجنة مع الصالحين.. وياويلك يا مجرم من زملائي المكملين''.
وتابع: ''دمي هيكون نار عليك في كل مكان وفي كل حين.. ولكل مصري شريف متخفش احنا علشانك مضحيين.. علشان بلدنا نضحي بنور العين. يا مصر علشانك احنا ضباط أفراد مجندين.. روحنا تهون وتفضلي انتي تاج على كل جبين''.