''أنت ليه مش إخوان''.. كيف ينظر مستخدمو ''تويتر'' للجماعة؟

''أنت ليه مش إخوان''.. هاشتاج جديد ظهر على موقع التواصل الاجتماعي ''تويتر'' وتم استخدامه بداية من، السبت، كوسيلة لتجميع آراء مستخدمي الموقع عما يرونه من صفات سيئة تميز الإخوان المسلمين.
والغريب في الأمر أن من بدأ في استخدام ''أنت ليه مش إخوان'' هو ناشط سلفي يدعى محمد عبد الخالق وافتتحه بعبارات ''عشان مبحبش التضليل''، ''عشان لن يغنوا عنى يوم القيامة''، ''عشان ولائي لمصر مش للجماعة''.
وتعددت إجابات مستخدمي ''تويتر'' على هذا السؤال ''انت ليه مش إخوان'' بعدة عبارات كان أهمها: '' عشان أهلي ربوني على حب الوطن مش الجماعة''، '' عشان مش عايز حاجة من البلد غير إن الناس تبقى مستورة و تأكل لقمة هنية و الكل يشتغل و ياخد عرقه فلوس بالعدل''، '' لأنى عارف إن دينى أعظم من أن يتم اختزاله فى جماعة أو حزب''.
وكان من أبرز من أجابوا عن هذا السؤال عضو الجمعية الوطنية للتغيير حازم عبد العظيم الذي قال: ''أنا مش إخوان عشان ما بعرفش أوطي ... ! لو المرشد طلب البسه الجزمة''.
فيما جاءت إجابة المحامي والناشط السياسي جمال عيد: '' انا مش إخوان عشان عندي مبادئ لا تتغير كل ساعة ونص، لأنهم بيكرهوا حرية التعبير ، ومعادين لحرية الابداع ، والاسهل لهم التكفير ، لأنه يغنيهم عن التفكير، لأني مؤمن بالديمقراطية والمساواة، عشان المصريين كلهم عندي سواء''.
ونظراً للانتشار الكبير لهذا السؤال اعتبر مستخدمو ''تويتر'' السؤال بمثابة استطلاع رأي جاهز عن آراء الناس في أعضاء جماعة الإخوان المسلمين، لذا جاءت بعض التغريدات تنصح مسؤولي الجماعة، وخاصة المهندس خيرت الشاطر بمتابعته حتى يدرك ما وصلت إليه صورة الإخوان المسلمين في عقول الناس.