نشطاء يجيبون على هاشتاج "أنت ليه مش إخوان" : لأني لا اكذب ولا اخلف وعدي وإذا خاصمت لا أفجر

دشن الناشط السياسي محمد عبد الخالق، أحد الأعضاء المؤسسين بحزب الدستور، "هاشتاج" على موقع التواصل الاجتماعي "توتير" يسأل "أنت ليه مش إخوان ؟ "

وتفاعل مع "الهاشتاج" العشرات من النشطاء والسياسيين البارزين، فمن جانبه قال الناشط الحقوقي جمال عيد مجيبا على تساءل "أنت ليه مش إخوان"، قائلاً::" عشان قدمت السبت واديته صوتي رغم الخلاف ، فغدر وتسلط وباع دم الشهدا ، ونصب نفسه نصف اله ونصف طاغية"، واستطرد: "عشان مش حعلن إن دم الشهداء في رقبتي، ثم أكرم العسكر، واطلع للسلطة على جثث الشهداء ، وأتواطأ على قضايا الدم"

فيما قال المهندس حازم عبد العظيم: "بعرفشي أوطي ... ! لو المرشد طلب البسه الجزمة !!"، وأضاف ناشطة:"أنا مرحة وأنت رخم، أنا صادقة النوايا وكلمتي عهد وأنت لا عهد لك ولا أمان، أنا لا أتصنع ولا أتكلف وأنت للزيف عنوان"، وقالت أخرى :"علشان أنا مسلمة ومش مستنية جماعة تاكدلي ده!!"

ويشار إلى أن أبرز التغريدات التي كتبها نشطاء من خلال هذا "الهاشتاج" التعليقات التالية:

#انت_ليه_مش_اخوان .. لأني إذا تحدثت لا اكذب .. وإذا وعدت لا اخلف.. وإذا خاصمت لا أفجر

#انت_ليه_مش_اخوان قدر الأحرار بقى تقول إيه .. الله يسامحهم أبويا هما اللى ربونى على إنى ما أوطيش ولا أركع ولا أبوس إيد بشر غيرهم!

#انت_ليه_مش_اخوان عشان مابحبش الكذب

#انت_ليه_مش_اخوان الحمد لله الذي عافانا مما ابتلى به غيرنا يا أخى :)

#انت_ليه_مش_اخوان لاني مسلم ومؤمن بأخلاق الإسلام وبحاول أطبق صحيح الإسلام