بيت جديد

بقلم :نصر جابر
رجعت البيت ف يوم سكران
كانت سكينة سارقاني
ونمت كتير عن العادي
غريبة ماحد صحاني
سألت ..أمي وابويا بخير
يكونوا زعلانين مني ؟
ووقت طويل من التفكير
وقلبي مش مطمني
ابويا يجوز يكون زعلان
لكن أمي ....مسامحاني
------------------------
ودي العادة ..وكالعادة
صحيت من نومي على صوتها
لكنه عويييييل
وقمت أجري أشوف مالها
هزمني الحيل
مانيش قادر أقوم ياما
جرالك إيه ..
ومين غالي وعزيز ماتلك
عشان تبكيه. .
لكن أمي ما بتردش
تكون امي ..مخاصماني ؟
ابويا يبصلي ويبكي
وأختي واقعة من طولها
واخويا دموعه محبوسه
ولسه التوووووهه واخداني
جرالكم إيه ؟
مابتردوش وايه حاصل
أنا من بدري بتكلم
لكن صوتي ماهوش واصل
ولما يئست وما ردوش
لقتني سكت انا التاني
----------------؛
دخل فجأة. .إمام جامع
وناس اغراب
وقال الكل مكتوب له
أجل ..وحسااب
بقاء لله ...وهيا حياه
قضي ربك
لا بيحوشه . نسب ولا جاه
----؛؛؛ ف وسط دا كله
أنا بسمع ومش فاهم
وليه عاجز عن الحركه
وليه نايم ؟
فهمت ساعتها
بإن الأمر رباني
انا_المقصود_انا_الميت_انا_الفاني_
-----؛؛
طب استني يا ملك الموت
ولو ساعة
ابوس أمي. .وودعها
اخلي ابويا يسامحني
أطيب أختي ووجعها
يجوز ربك يريحني
انا_ميت_علي_العصيان_
أتوب ....وارجعلي من تاني
وملك الموت : ما بيردش
اقولك
طب بلاش ساعة
هاصلي ركعتين لله
أموت حتى على الطاعة
اقولك
هيا تسبيحة
تكون لي حصن وشفاعة
وملك الموت ...ما بيردش
لكن صمته الطويل قالي
( أوامر رب حكماني)
وبعد الغسل
لفوني وزفوني على قبري
وبعد الدفنه نسيوني
انا
تحت التراب وحدي
وبكرة مسيركو هاتجوني
---فيا من عشت من بعدي
ماتتغرش بما تملك
ولا تشرك
بمن تعبد
-هنا واحد مالوش تاني
هنا
---؛ في_القبر_عنواني_