عدد يناير من مجلة كلمتنا

مع بداية السنة الجديدة شوف العدد الجديد من مجلة كلمتنا .. عدد يناير ، حتقولك "الاجندة" حتروح فين الشهر ده، وهتشوف أجمد تغطيات لحفلة "عمرو دياب" ومسابقة " ريد بول " للشباب الموهبة.
وعيش في جو القاهرة القديمة وحتعرف أكتر عن جامع السلطان برقوق، واتعرف علي ألمانيا في لف ودوران وشوف عاداتهم وبيعملوا ايه في حياتهم، اسمع الناس بتقول ايه علي القهوة مع " كلمتنا علي القهوة " وأعرف أكتر عن شغلانة " المراقب الجوي" .
تابع فيلم الجاسوسية والمخابرات " العميل رقم 11 " علي صفحات المجلة.
وأضحك مع حكاية "جحا وحماره " ورأيه في اللي بيحصل ، وشوف " هلاوس رقص السنة " واللي بيحصل فيها.
واقرأ حوار كامل مع أول رسالة دكتوراة بتقنية ال " 3D " وشوف الإسكندرية سنة 2100.
وحتلاقي رد فعل الأجانب لما شافونا بنعمل إيه في اللغة بتاعتنا في " عربي ده يامرسي ؟ "
في مرض جديد صعب العلاج منه حتلاقي تحليل كامل عنه في " مرض اسمه سيلك رود ".
وافتح ملعوبة حتلاقي فيها ملف كامل عن " قطر2022" وتنظيمها لكاس العالم واسباب اختيارها لتنظيمه، وبعدها حتلاقي احتفالية بمرور 100 سنة زمالك واعرف اكتر عن تاريخ النادي في مية سنة.
ناقر ونقير والخناقة اللي مش بتخلص بين الراجل والست ناقر شايف " البنات تافهين " ، ونقير وبتدعي للولاد " يارب اعدل حالهم ".
شوف الخوف من المستقبل واللي بنعمله في نفسنا في " عانس عانس بس بكرامتي .. "
واللي ماربهوش الزمن عياله بتربيه في " بنتي قنبلة ذرية .. "
واقرا حوار مع رئيس مجلس إدارة المركز المصري لرائدي الأعمال في بكره وبعده واتعلم ازاي تشتغل معاه.
واعرف إزاي تكون مؤمن في " مشروعك الخاص حلم مش مستحيل " ..
واتعرف علي الخارقون الاربعة المصريين اللي نجحوا نجاح أبهر العالم كله في Fantastic4
وان كان عندك كراكيب مالهاش لازمة مع فريق " 3738 " حتبقي ليها لازمة واتعلم ازاي تستغل كل حاجة عندك مالهاش لازمة وتعمل بيها حاجة ليها لازمة..
واستمتع بالأدب مع شوية أدب وعيش مود الشتاء مع " رجعت الشتوية "، وأهداءات الكلماوية لكلمتنا في عيد ميلادها واعرف الكتب واللي بيكتبوها وتحليل لأحدث الكتب في المكتبات وترشيحاتنا.
وللبنات بس أعرفي أحدث لفات " الحجاب " بأشكال جديدة وبسيطة في نفس الوقت
وأضحك مع " الثلاثي المرح " شاهين، فراج و ايمان السيد في حوار كوميدي مختلف عن أي حوار وبشكل جديد بيظهروا بيه لأول مرة
واعرف ازاي بيشيلوا ال " بقع الفنية " مع " مساحيق التنظيف الفنية " وكلام عن النقد الفني ..
ولو عاوز تعرف مين هما نجوم كلمتنا في 2010 هتلاقيهم في "نجوم كلمتنا في 2010 " .
واقرا تحليل ونقد فني للدكتورة ماجدة خير الله عن فيلم السائح " لجوني ديب .
وشوية ألش مع الحلقة الأخيرة من " عفاف ونيازي " و حلقة " ناااار نااااار وأنا قلبي قايد ناااار " .. وأعرف عملوا إيه مع العصابة اللي خطفتهم وهيعملوا ايه بعد كده
واستمتع بكاريكاتير الكلماوي " بندق "
ومتنساش تبعت لنا رأيك في المجلة كلها بالتفصيييييييييييييييييييييييل :)